Hefur lengi barist gegn réttindum „ónáttúrulegs“ hinsegin fólks Samúel Karl Ólason skrifar 27. október 2023 11:15 Mike Johnson, frá Louisiana, er lítið þekktur fordómafullur þingmaður sem er nú þingforseti. AP/Alex Brandon Mike Johnson, nýr forseti fulltrúadeildar Bandaríkjaþings, mun koma að því að staðfesta úrslit forsetakosninga sem haldnar verða í nóvember á næsta ári. Það er þrátt fyrir að hann hafi hjálpað til við að reyna að snúa úrslitum síðustu forsetakosninga. Johnson var fyrst kosinn á þing árið 2016 en fyrir það starfaði hann sem lögmaður Alliance Defence Freedom, sem er þrýstihópur sem ku berjast fyrir réttindum trúaðra en berst í raun gegn réttindum hinsegin fólks og gegn rétti kvenna til þungunarrofs, og sat á ríkisþingi Louisiana. Hann kemur frá kjördæmi í Louisiana sem teiknað var upp af Repúblikönum og þykir eins öruggt fyrir flokki og kjördæmi geta verið. Hann þykir reynslulítill, hefur aldrei komið að samningaviðræðum milli flokka áður og hefur aldrei leitt þingnefnd. AP fréttaveitan segir áhyggjur hafa vaknað um það að Repúblikanar muni aftur reyna að snúa úrslitum kosninga, fari svo að þeir tapi kosningunum á næsta ári. Vildi snúa úrslitum kosninga Eftir að Joe Biden, forseti, sigraði Donald Trump, fyrrverandi forseta, í kosningunum 2020, tók Johnson undir lygar Trumps um að umfangsmikið kosningasvindl hefði kostað hann sigur og greiddi hann atkvæði gegn því að staðfesta úrslit kosninganna. Sú atkvæðagreiðsla fór fram þann 6. janúar 2021, eftir að stuðningsmenn Trumps ruddu sér leið inn í þinghúsið með því markmiði að koma í veg fyrir staðfestingu úrslitanna. Johnson kom einnig að lögsókn sem sneri að því að snúa úrslitum kosninganna. Hann fékk rúmlega hundrað þingmenn Repúblikanaflokksins til að styðja lögsókn Ken Paxton, dómsmálaráðherra Texas, sem fór fram á að Hæstiréttur Bandaríkjanna gerði sigur Bidens í fjórum ríkjum ógilda. Þetta gerði hann þó lögmaður Repúblikanaflokksins hefði sagt honum að það færi gegn stjórnarskrá Bandaríkjanna, samkvæmt frétt Guardian. Hæstiréttur vísaði þessari mjög svo umdeildu lögsókn fljótt frá. Skömmu eftir forsetakosningarnar 2020 birti Johnson færslu á samfélagsmiðlum þar sem hann sagðist hafa beðið Trump um að „berjast áfram“. Nokkrum dögum síðar var hann í útvarpsviðtali þar sem hann dreifði stoðlausum samsæriskenningum um alþjóðlegt samsæri og kosningavélar frá Venesúela og hvernig það hefði kostað Trump sigur. Nú er Johnson annar í röðinni yfir arftaka forsetaembættisins á eftir Kamölu Harris, varaforseta. „Þú vilt ekki að fólk sem laug því að síðustu kosningum hefði verið stolið sé í stöðu til að ákveða hver vinnur þær næstu,“ sagði prófessorinn Rick Hasen við AP. Hann segir Johnson líka geta verið sérstaklega hættulegan þar sem hann er menntaður lögmaður sem sérhæfir sig í stjórnarskrá Bandaríkjanna. Eftir að hann var tilnefndur til embættis þingforseta, spurði fréttakona hann út í viðleitni hans til að snúa úrslitum forsetakosninganna 2020 og brugðust Repúblikanar reiðir við. Þeir púuðu á konuna á meðan Johnson hristi höfuðið. Ein þingkona gargaði á fréttakonuna að hún ætti að þegja. Hefur lengi barist gegn réttindum hinsegin fólks Johnson hefur í gegnum árin verið ötull andstæðingur aukinna réttinda hinsegin fólks. Sem lögmaður ADF varði hann lög Louisiana sem banna hjónabönd samkynja para og ströng lög ríkisins um þungunarrof. Hann hefur persónulega lýst samböndum samkynja fólks sem „ónáttúrulegum“. Það gerði hann skömmu eftir að hann hóf störf hjá AFD snemma á þessari öld. Þegar Hæstiréttur Bandaríkjanna felldi árið 2003 úr gildi lög Texas sem gerðu hjónabönd samkynja para ólögleg, skrifaði Johnson grein í héraðsmiðil þar sem hann sagði úrskurðinn vera mikið högg fyrir hefðbundin bandarísk fjölskyldugildi og sagði hann fara gegn siðferðilegum gildum síðustu þúsund ára. Ári síðar lýsti hann hjónaböndum samkynja para sem ógn við lýðræðið. Það gerði hann í ummælum við tillögu um breytingar á stjórnarskrá Louisiana um að skilgreina hjónaband sem samband eins mans og einnar konu og sagði Johnson að lögleiðing hjónabanda samkynja para myndi grafa undan mikilvægi hefðbundinna hjónabanda fyrir samfélagið, veikja samfélagið og grafa undan lýðræðislegu kerfi Bandaríkjanna. Þá sagði hann sambönd samkynja para ónáttúruleg í eðli sínu og varaði við því að ef þau yrðu litin jákvæðum augum, myndu allir „afbrigðilegir hópar“ krefjast hins sama. „Fjölkvænisfólk, barnaníðingar og aðrir verða næstir í röðinni að krefjast jafnar verndar,“ skrifaði hann í grein árið 2004. Þegar hann sat á ríkisþingi Louisiana lagði hann fram frumvarp sem snerist um að vernda fólk sem neitaði að afgreiða eða eiga í viðskiptum við hinsegin fólk. Frumvarpið komst þó aldrei úr nefnd. Þegar Johnson kvæntist eiginkonu sinni árið 1999 framkvæmdu þau það sem kallast „sáttmála brúðkaup“. Það felur í sér að hjón þurfa að sækja ráðgjöf og gerir hjónum erfiðara að skilja. Hjónabönd af þessu tagi eru einungis leyfileg í nokkrum ríkjum Bandaríkjanna, en Johnson hefur talað fyrir því að fleiri ættu að fylgja honum og konu hans eftir. Vill samtvinna ríki og kirkju Þingforsetinn hefur einnig talað fyrir nánari samtvinnun opinberra starfa og kristinnar trúar. Í pontu á þingi á miðvikudaginn sagði hann til að mynda að „guð lyfti þeim sem sitja í valdastöðum“, eins og fram kemur í frétt Washington Post. Johnson hefur meðal annars barist fyrir því frekari kristnifræði í skólum í Louisiana, að opinberir fundi í sýslu í Norður-Karólínu verði opnaðir með bæn og að fólk segi gleðileg jól en ekki gleðilega hátíð. Bandaríkin Þingkosningar í Bandaríkjunum Donald Trump Mest lesið „Ísland fyrst, svo allt hitt“ Innlent Andrés við Epstein árið 2011: „Við erum saman í þessu“ Erlent Allir lifandi gíslarnir lausir úr prísund sinni Erlent Rússar uggandi vegna tals um Tomahawk flaugar fyrir Úkraínu Erlent Algengast að fólk láni eða fái lánuð verkja- og róandi lyf Innlent Slapp með skrekkinn við myndatöku í Reynisfjöru Innlent Gert að vara við sjaldgæfum fylgikvilla Erlent Flugnördar heims kveðja fegurstu flugvél Íslands Innlent Fágætar bækur hurfu í tugatali úr bókasöfnum og reyndust allar rússneskar Erlent Bein útsending: Trump ávarpar ísraelska þingið Erlent Fleiri fréttir Dóttir bæjarstjórans grunuð um árásina Bein útsending: Mikil fagnaðarlæti í Palestínu og Ísrael Bein útsending: Trump ávarpar ísraelska þingið Gert að vara við sjaldgæfum fylgikvilla Halda æfingu fyrir finnska þingmenn í neyðarskýli Andrés við Epstein árið 2011: „Við erum saman í þessu“ Rússar uggandi vegna tals um Tomahawk flaugar fyrir Úkraínu Allir lifandi gíslarnir lausir úr prísund sinni „Hafið engar áhyggjur af Kína, það verður allt í góðu lagi“ Fágætar bækur hurfu í tugatali úr bókasöfnum og reyndust allar rússneskar Neyðaraðstoð flæðir inn í Gasa Ian Watkins myrtur af samföngum Lögreglan í Ósló beitti mótmælendur táragasi Funda um friðarsáttmála í Egyptalandi á mánudag Átján saknað eftir harmleikinn í Tennessee Hafa frest til mánudags til að sleppa gíslunum Hundrað prósenta tollaaukning á allar vörur frá Kína Nóbelsnefndin rannsakar mögulegan leka og óvenjuleg veðmál Gengst við því að hafa grandað farþegaþotunni Fjöldi látinn eftir að verksmiðja sprakk í loft upp Norska ríkisstjórnin slær skipagöngin út af borðinu Hótar að beita Hamas hörðu afvopnist samtökin ekki Nóbelsnefndin hafi valið pólitík fram yfir frið Settu forsetann af vegna glæpaöldu í Perú Venesúelskur stjórnarandstæðingur hlaut friðarverðlaun Nóbels Bein útsending: Hver hlýtur friðarverðlaun Nóbels? Taívanir vilja reisa varnarhjúp gegn Kína Harðar árásir á Kænugarð í nótt Norðmenn uggandi vegna mögulegra viðbragða Trump Vopnahlé tekur gildi Sjá meira
Johnson var fyrst kosinn á þing árið 2016 en fyrir það starfaði hann sem lögmaður Alliance Defence Freedom, sem er þrýstihópur sem ku berjast fyrir réttindum trúaðra en berst í raun gegn réttindum hinsegin fólks og gegn rétti kvenna til þungunarrofs, og sat á ríkisþingi Louisiana. Hann kemur frá kjördæmi í Louisiana sem teiknað var upp af Repúblikönum og þykir eins öruggt fyrir flokki og kjördæmi geta verið. Hann þykir reynslulítill, hefur aldrei komið að samningaviðræðum milli flokka áður og hefur aldrei leitt þingnefnd. AP fréttaveitan segir áhyggjur hafa vaknað um það að Repúblikanar muni aftur reyna að snúa úrslitum kosninga, fari svo að þeir tapi kosningunum á næsta ári. Vildi snúa úrslitum kosninga Eftir að Joe Biden, forseti, sigraði Donald Trump, fyrrverandi forseta, í kosningunum 2020, tók Johnson undir lygar Trumps um að umfangsmikið kosningasvindl hefði kostað hann sigur og greiddi hann atkvæði gegn því að staðfesta úrslit kosninganna. Sú atkvæðagreiðsla fór fram þann 6. janúar 2021, eftir að stuðningsmenn Trumps ruddu sér leið inn í þinghúsið með því markmiði að koma í veg fyrir staðfestingu úrslitanna. Johnson kom einnig að lögsókn sem sneri að því að snúa úrslitum kosninganna. Hann fékk rúmlega hundrað þingmenn Repúblikanaflokksins til að styðja lögsókn Ken Paxton, dómsmálaráðherra Texas, sem fór fram á að Hæstiréttur Bandaríkjanna gerði sigur Bidens í fjórum ríkjum ógilda. Þetta gerði hann þó lögmaður Repúblikanaflokksins hefði sagt honum að það færi gegn stjórnarskrá Bandaríkjanna, samkvæmt frétt Guardian. Hæstiréttur vísaði þessari mjög svo umdeildu lögsókn fljótt frá. Skömmu eftir forsetakosningarnar 2020 birti Johnson færslu á samfélagsmiðlum þar sem hann sagðist hafa beðið Trump um að „berjast áfram“. Nokkrum dögum síðar var hann í útvarpsviðtali þar sem hann dreifði stoðlausum samsæriskenningum um alþjóðlegt samsæri og kosningavélar frá Venesúela og hvernig það hefði kostað Trump sigur. Nú er Johnson annar í röðinni yfir arftaka forsetaembættisins á eftir Kamölu Harris, varaforseta. „Þú vilt ekki að fólk sem laug því að síðustu kosningum hefði verið stolið sé í stöðu til að ákveða hver vinnur þær næstu,“ sagði prófessorinn Rick Hasen við AP. Hann segir Johnson líka geta verið sérstaklega hættulegan þar sem hann er menntaður lögmaður sem sérhæfir sig í stjórnarskrá Bandaríkjanna. Eftir að hann var tilnefndur til embættis þingforseta, spurði fréttakona hann út í viðleitni hans til að snúa úrslitum forsetakosninganna 2020 og brugðust Repúblikanar reiðir við. Þeir púuðu á konuna á meðan Johnson hristi höfuðið. Ein þingkona gargaði á fréttakonuna að hún ætti að þegja. Hefur lengi barist gegn réttindum hinsegin fólks Johnson hefur í gegnum árin verið ötull andstæðingur aukinna réttinda hinsegin fólks. Sem lögmaður ADF varði hann lög Louisiana sem banna hjónabönd samkynja para og ströng lög ríkisins um þungunarrof. Hann hefur persónulega lýst samböndum samkynja fólks sem „ónáttúrulegum“. Það gerði hann skömmu eftir að hann hóf störf hjá AFD snemma á þessari öld. Þegar Hæstiréttur Bandaríkjanna felldi árið 2003 úr gildi lög Texas sem gerðu hjónabönd samkynja para ólögleg, skrifaði Johnson grein í héraðsmiðil þar sem hann sagði úrskurðinn vera mikið högg fyrir hefðbundin bandarísk fjölskyldugildi og sagði hann fara gegn siðferðilegum gildum síðustu þúsund ára. Ári síðar lýsti hann hjónaböndum samkynja para sem ógn við lýðræðið. Það gerði hann í ummælum við tillögu um breytingar á stjórnarskrá Louisiana um að skilgreina hjónaband sem samband eins mans og einnar konu og sagði Johnson að lögleiðing hjónabanda samkynja para myndi grafa undan mikilvægi hefðbundinna hjónabanda fyrir samfélagið, veikja samfélagið og grafa undan lýðræðislegu kerfi Bandaríkjanna. Þá sagði hann sambönd samkynja para ónáttúruleg í eðli sínu og varaði við því að ef þau yrðu litin jákvæðum augum, myndu allir „afbrigðilegir hópar“ krefjast hins sama. „Fjölkvænisfólk, barnaníðingar og aðrir verða næstir í röðinni að krefjast jafnar verndar,“ skrifaði hann í grein árið 2004. Þegar hann sat á ríkisþingi Louisiana lagði hann fram frumvarp sem snerist um að vernda fólk sem neitaði að afgreiða eða eiga í viðskiptum við hinsegin fólk. Frumvarpið komst þó aldrei úr nefnd. Þegar Johnson kvæntist eiginkonu sinni árið 1999 framkvæmdu þau það sem kallast „sáttmála brúðkaup“. Það felur í sér að hjón þurfa að sækja ráðgjöf og gerir hjónum erfiðara að skilja. Hjónabönd af þessu tagi eru einungis leyfileg í nokkrum ríkjum Bandaríkjanna, en Johnson hefur talað fyrir því að fleiri ættu að fylgja honum og konu hans eftir. Vill samtvinna ríki og kirkju Þingforsetinn hefur einnig talað fyrir nánari samtvinnun opinberra starfa og kristinnar trúar. Í pontu á þingi á miðvikudaginn sagði hann til að mynda að „guð lyfti þeim sem sitja í valdastöðum“, eins og fram kemur í frétt Washington Post. Johnson hefur meðal annars barist fyrir því frekari kristnifræði í skólum í Louisiana, að opinberir fundi í sýslu í Norður-Karólínu verði opnaðir með bæn og að fólk segi gleðileg jól en ekki gleðilega hátíð.
Bandaríkin Þingkosningar í Bandaríkjunum Donald Trump Mest lesið „Ísland fyrst, svo allt hitt“ Innlent Andrés við Epstein árið 2011: „Við erum saman í þessu“ Erlent Allir lifandi gíslarnir lausir úr prísund sinni Erlent Rússar uggandi vegna tals um Tomahawk flaugar fyrir Úkraínu Erlent Algengast að fólk láni eða fái lánuð verkja- og róandi lyf Innlent Slapp með skrekkinn við myndatöku í Reynisfjöru Innlent Gert að vara við sjaldgæfum fylgikvilla Erlent Flugnördar heims kveðja fegurstu flugvél Íslands Innlent Fágætar bækur hurfu í tugatali úr bókasöfnum og reyndust allar rússneskar Erlent Bein útsending: Trump ávarpar ísraelska þingið Erlent Fleiri fréttir Dóttir bæjarstjórans grunuð um árásina Bein útsending: Mikil fagnaðarlæti í Palestínu og Ísrael Bein útsending: Trump ávarpar ísraelska þingið Gert að vara við sjaldgæfum fylgikvilla Halda æfingu fyrir finnska þingmenn í neyðarskýli Andrés við Epstein árið 2011: „Við erum saman í þessu“ Rússar uggandi vegna tals um Tomahawk flaugar fyrir Úkraínu Allir lifandi gíslarnir lausir úr prísund sinni „Hafið engar áhyggjur af Kína, það verður allt í góðu lagi“ Fágætar bækur hurfu í tugatali úr bókasöfnum og reyndust allar rússneskar Neyðaraðstoð flæðir inn í Gasa Ian Watkins myrtur af samföngum Lögreglan í Ósló beitti mótmælendur táragasi Funda um friðarsáttmála í Egyptalandi á mánudag Átján saknað eftir harmleikinn í Tennessee Hafa frest til mánudags til að sleppa gíslunum Hundrað prósenta tollaaukning á allar vörur frá Kína Nóbelsnefndin rannsakar mögulegan leka og óvenjuleg veðmál Gengst við því að hafa grandað farþegaþotunni Fjöldi látinn eftir að verksmiðja sprakk í loft upp Norska ríkisstjórnin slær skipagöngin út af borðinu Hótar að beita Hamas hörðu afvopnist samtökin ekki Nóbelsnefndin hafi valið pólitík fram yfir frið Settu forsetann af vegna glæpaöldu í Perú Venesúelskur stjórnarandstæðingur hlaut friðarverðlaun Nóbels Bein útsending: Hver hlýtur friðarverðlaun Nóbels? Taívanir vilja reisa varnarhjúp gegn Kína Harðar árásir á Kænugarð í nótt Norðmenn uggandi vegna mögulegra viðbragða Trump Vopnahlé tekur gildi Sjá meira