Innlent

Þremur bjargað af svölum í­búðar eftir að eldur kom upp í hlaupa­hjóli

Hólmfríður Gísladóttir skrifar
Slökkviliðið segir íbúðina gjörónýta.
Slökkviliðið segir íbúðina gjörónýta. Slökkviliðið á höfuðborgarsvæðinu

Viðbragðsaðilar á höfuðborgarsvæðinu voru kallaðir til klukkan 2:15 í nótt vegna elds á 3. hæð í fjölbýlishúsi. Um talsverðan eld var að ræða og mikinn reyk, segir í yfirlit lögreglu yfir verkefni næturinnar.

Nánari upplýsingar er að finna á Facebook-síðu slökkviliðsins á höfuðborgarsvæðinu en þar er greint frá því að íbúðin hafi verið alelda og að þremur einstaklingum hafi verið bjargað af svölum íbúðarinnar.

Íbúðin er sögð „gjörónýt“ en eldurinn virðist hafa kviknað útfrá rafhlaupahjóli sem verið var að hlaða og vill slökkviliðið ítreka að fólk noti rétt hleðslutæki fyrir hjólin og að þau séu helst ekki hlaðin nema utan íbúðar og á meðan einhver er vakandi yfir þeim.

Í yfirliti lögreglu er einnig greint frá því að tilkynning hafi borist um grunsamlegar mannaferðir í kringum bifreiðar fyrir utan fyrirtæki í Vesturbænum. Viðkomandi sagðist hins vegar hafa verið að æfa „parkour“ og taldi lögregla það skýra háttalag hans.

Lögreglumál Slökkvilið Rafhlaupahjól
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið