Dagur hyggst bjóða Kjöt­borgar­bræðrum í kaffi

Þetta kemur fram í færslu borgar­stjórans á sam­fé­lags­miðlinum Face­book. Frétta­stofa ræddi í gær við Gunnar Jónas­son, annan eig­anda Kjöt­borgar, verslunar á Ás­valla­götu. Gjaldsklydu­tími í bíla­stæðum mið­svæðis í Reykja­vík lengdist í gær og borga þarf meira á á­kveðnum stöðum.

Þeir bræður eru afar ó­sáttir við að þurfa að greiða í stæð i við verslunina og að nú sé dýrara fyrir þá að mæta til vinnu. Dagur vill finna lausn á málinu.

Segir stækkun gjaldskyldusvæðis til­komna vegna fjölgunar bíla­leigu­bíla

„Bíla­stæða gjöldin og stækkun gjald­svæði eru til komin meðal annars vegna mikillar fjölgunar bíla­leigu­bíla og lang­tíma geymslu á bílum í í­búða­hverfum ná­lægt mið­borginni. Komið er á móts við íbúa með í­búa­kortum,“ skrifar Dagur.

Hann segir það hár­rétta á­bendingu að skyn­sam­legt geti verið að finna lausnir fyrir rekstrar­aðila sem falla undir nær­þjónustu. Það sé sannar­lega stefna borgarinnar að efla hana.

„Kaup­maðurinn á horninu er mjög mikil­vægur til að gera hverfin sjálf­bær. Það eru til ein­hverjar fyrir­myndir að lausnum i þessu í er­lendum borgum sem við hljotum að geta skoðað hratt og vel. En fyrsta skref er að bjóða þeim bræðrum í kaffi og fara yfir málin. Kjöt­borg lengi lifi!“