Skortur og álag á lögregluþjónum: „Einungis fávitar myndu ganga til liðs við lögregluna“ Samúel Karl Ólason skrifar 1. október 2023 14:48 Umfangsmikil mótmæli vegna innrásarinnar í Úkraínu voru brotin á bak aftur af lögreglu og þúsundir mótmælenda voru handteknir. Nú fer gífurlega mikil vinna í að elta upp ábendingar um að fólk hafi vanvirt rússneska herinn. EPA/MAXIM SHIPENKOV Gífurlegt álag er á lögregluþjónum í Rússlandi, sem má að miklu leyti rekja til fækkunar lögregluþjóna, þó mun fleiri lögregluþjónar séu í Rússlandi miðað við í Bandaríkjunum og Bretlandi. Fækkunin hefur komið niður á forvörnum þeirra gegn glæpum, leitt til spillingar og annarra vandræða. Það hvað rússneskir lögregluþjónar eru uppteknir við að elta uppi fólk sem gagnrýnir innrásina í Úkraínu hefur einnig komið mjög niður á störfum þeirra. Í grein BBC sem skrifuð er af fréttakonu miðilsins í Rússlandi segir að ástandið sé slæmt þó Rússland sé með eina fjölmennasta lögreglulið heimsins og hafi verið með um níu hundruð þúsund lögregluþjóna nýverið en Vladimír Pútín, forseti, skrifaði nýverið undir tilskipun um að fjölga ætti lögregluþjónum í 938 þúsund. Rússneska þjóðin telur um 146 milljónir manna. Það samsvarar um 630 lögregluþjónum á hverja hundrað þúsund íbúa og er meira en tvöfalt hærra en í Bandaríkjunum eða í Bretlandi. Þrátt fyrir það varaði Vladimir Kolokoltsev, innanríkisráðherra Rússlands við því í ágúst að alvarlegur skortur væri á lögregluþjónum. BBC segir að þessi vandræði megi að einhverju leyti rekja til stærðar Rússlands og skorts á starfsmönnum í stuðningsstörf. Þá sé ljóst að lögregluþjónum hafi fækkað mikið að undanförnu og margir þeirra sem hafi hætt hafi verið reynslumiklir. Margir fyrrverandi lögregluþjónar sögðu blaðamanni BBC að þeir hefðu hætt og farið í störf með minna álagi og hærri launum. Einn varð leigubílstjóri og annar varð sendill en báðir segjast með um það bil tvöfalt meiri laun en þeir voru með sem lögregluþjónar. „Ég vann mig upp í tign majors. En samt var manneskja sem vann í verslun með hærri laun en ég og það er varla hættulegt starf. Einungis fávitar myndu ganga til liðs við lögregluna núna,“ sagði einn viðmælandi BBC. Nemar í lögregluskólanum í Pétursborg í skrúðgöngu í september.EPA/ANATOLY MALTSEV Árásin stóð yfir í þrjá og hálfan tíma Í umfjöllun miðilsins er vísað til máls í Krasnodar-héraði frá árinu 2020. Þá heyrðu nágrannar konu í fjölbýlishúsi hana öskra eftir hjálp og virtist sem verið væri að ráðast á hana. Nágrannar hringdu ítrekað eftir aðstoð en enga lögregluþjóna bar að garði. Að endingu ákvað fólkið sjálft að brjóta niður dyrnar að íbúð konunnar en þá var það of seint. Fyrrverandi kærasti hennar hafði barið hana, stungið og kyrkt með snúru úr straujárni. Árásin hafði staðið yfir í þrjár og hálfa klukkustund. Forsvarsmenn lögreglunnar sögðu að enga lögregluþjóna hafa verið á svæðinu svo ekki hefði verið hægt að bregðast við. Fimm lögregluþjónar voru þó seinna dæmdir fyrir vanrækslu og dæmdir í átján mánaða fangelsi, skilorðsbundið til tveggja ára. Færri lögregluþjónar þýðir meira álag á þá sem starfa áfram innan lögreglunnar og fyrrverandi lögregluþjónar segja það leiða til enn meiri spillingar. Lögregluþjónar hafi minni tíma til að rannsaka mál og eigi frekar til að stytta sér leið með fölskum sönnunargögnum og með því að ganga í skrokk á fólki og þvinga það til að játa brot sem það framdi ekki. „Ef þú ert með vísbendingu og þarft að rannsaka hana, er miklu einfaldara að finna þann sem er upprunalega grunaður og berja hann, þar til hann játar,“ sagði einn viðmælandi BBC. Uppteknir vegna innrásarinnar Lögregluþjónum var byrjað að fækka fyrir innrásina í Úkraínu en þegar stríðið hófst kom nokkur stöðugleiki á fjölda þeirra, þar sem störf hjá lögreglunni undanskildu menn frá því að verða kvaddir í herinn. Síðan stríðið hófst og margir menn hafa verið kvaddir í herinn hefur gengið illa að fylla upp í raðir lögreglunnar. Stríðið hefur einnig komið niður á lögreglunni að því leyti að lögregluþjónar mega ekki tjá sig um innrásina, sem Rússar kalla stundum sértæka hernaðaraðgerð“, án þess að eiga á hættu að vera reknir. Þá verja lögregluþjónar miklum tíma í að rannsaka ábendingar um að fólk hafi vanvirt herinn. Það að gagnrýna innrásina fellur undir vanvirðingu við herinn, sem er bannað samkvæmt nýjum lögum í Rússlandi. Fjölmargir hafa verið dæmdir fyrir að vanvirða herinn og getur fylgt því nokkuð langur fangelsisdómur. Þrír viðmælendur BBC sem starfa eða störfuðu hjá innanríkisráðuneyti Rússlands segjast verja mestum tíma þeirra í vinnunni í að rannsaka „endalausar ásakanir“ um vanvirðingu við herinn. „Fólk er sífellt að finna ástæðu til að ásaka einhvern,“ sagði einn viðmælendanna, sem var áður borgarstjóri Tomsk. „Það er enginn til staðar, því allir eru uppteknir við að ræða við einhverja ömmu sem sá gluggatjald sem leit út eins og úkraínski fáninn.“ Maðurinn sagðist búast við því að á næstu árum muni þetta versna áfram. Sífellt meiri áhersla verði lögð á að stöðva meinta glæpi gegn yfirvöldum. Minni áhersla verði lögð á að rannsaka glæpi gegn almenningi eins og mannrán, rán, nauðganir og morð. Rússland Innrás Rússa í Úkraínu Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Fær þyngri dóm fyrir að nauðga konu, taka það upp og senda henni Innlent Maðurinn kominn í leitirnar Innlent Töluverður eldsvoði og þrír fluttir af vettvangi í sjúkrabíl Innlent Bensínbrúsar inni í íbúðinni Innlent Ákærður fyrir að ráðast á leigubílstjóra Innlent Einn lést í brunanum á Hjarðarhaga Innlent Mjög alvarlegt tilfelli Innlent Íslendingur í Bandaríkjunum: „Þetta er mjög óþægileg staða“ Erlent Annar látinn eftir eldsvoðann á Hjarðarhaga Innlent Fleiri fréttir Tólf særðir eftir hnífstunguárás í Hamborg Vilja breyta mannréttindasáttmála til að auðvelda sér að sparka innflytjendum úr landi Hvetja Íslendinga í Harvard til að hafa samband Ákærður fyrir að myrða sendiráðsstarfsfólk Ísraels Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Sjá meira
Það hvað rússneskir lögregluþjónar eru uppteknir við að elta uppi fólk sem gagnrýnir innrásina í Úkraínu hefur einnig komið mjög niður á störfum þeirra. Í grein BBC sem skrifuð er af fréttakonu miðilsins í Rússlandi segir að ástandið sé slæmt þó Rússland sé með eina fjölmennasta lögreglulið heimsins og hafi verið með um níu hundruð þúsund lögregluþjóna nýverið en Vladimír Pútín, forseti, skrifaði nýverið undir tilskipun um að fjölga ætti lögregluþjónum í 938 þúsund. Rússneska þjóðin telur um 146 milljónir manna. Það samsvarar um 630 lögregluþjónum á hverja hundrað þúsund íbúa og er meira en tvöfalt hærra en í Bandaríkjunum eða í Bretlandi. Þrátt fyrir það varaði Vladimir Kolokoltsev, innanríkisráðherra Rússlands við því í ágúst að alvarlegur skortur væri á lögregluþjónum. BBC segir að þessi vandræði megi að einhverju leyti rekja til stærðar Rússlands og skorts á starfsmönnum í stuðningsstörf. Þá sé ljóst að lögregluþjónum hafi fækkað mikið að undanförnu og margir þeirra sem hafi hætt hafi verið reynslumiklir. Margir fyrrverandi lögregluþjónar sögðu blaðamanni BBC að þeir hefðu hætt og farið í störf með minna álagi og hærri launum. Einn varð leigubílstjóri og annar varð sendill en báðir segjast með um það bil tvöfalt meiri laun en þeir voru með sem lögregluþjónar. „Ég vann mig upp í tign majors. En samt var manneskja sem vann í verslun með hærri laun en ég og það er varla hættulegt starf. Einungis fávitar myndu ganga til liðs við lögregluna núna,“ sagði einn viðmælandi BBC. Nemar í lögregluskólanum í Pétursborg í skrúðgöngu í september.EPA/ANATOLY MALTSEV Árásin stóð yfir í þrjá og hálfan tíma Í umfjöllun miðilsins er vísað til máls í Krasnodar-héraði frá árinu 2020. Þá heyrðu nágrannar konu í fjölbýlishúsi hana öskra eftir hjálp og virtist sem verið væri að ráðast á hana. Nágrannar hringdu ítrekað eftir aðstoð en enga lögregluþjóna bar að garði. Að endingu ákvað fólkið sjálft að brjóta niður dyrnar að íbúð konunnar en þá var það of seint. Fyrrverandi kærasti hennar hafði barið hana, stungið og kyrkt með snúru úr straujárni. Árásin hafði staðið yfir í þrjár og hálfa klukkustund. Forsvarsmenn lögreglunnar sögðu að enga lögregluþjóna hafa verið á svæðinu svo ekki hefði verið hægt að bregðast við. Fimm lögregluþjónar voru þó seinna dæmdir fyrir vanrækslu og dæmdir í átján mánaða fangelsi, skilorðsbundið til tveggja ára. Færri lögregluþjónar þýðir meira álag á þá sem starfa áfram innan lögreglunnar og fyrrverandi lögregluþjónar segja það leiða til enn meiri spillingar. Lögregluþjónar hafi minni tíma til að rannsaka mál og eigi frekar til að stytta sér leið með fölskum sönnunargögnum og með því að ganga í skrokk á fólki og þvinga það til að játa brot sem það framdi ekki. „Ef þú ert með vísbendingu og þarft að rannsaka hana, er miklu einfaldara að finna þann sem er upprunalega grunaður og berja hann, þar til hann játar,“ sagði einn viðmælandi BBC. Uppteknir vegna innrásarinnar Lögregluþjónum var byrjað að fækka fyrir innrásina í Úkraínu en þegar stríðið hófst kom nokkur stöðugleiki á fjölda þeirra, þar sem störf hjá lögreglunni undanskildu menn frá því að verða kvaddir í herinn. Síðan stríðið hófst og margir menn hafa verið kvaddir í herinn hefur gengið illa að fylla upp í raðir lögreglunnar. Stríðið hefur einnig komið niður á lögreglunni að því leyti að lögregluþjónar mega ekki tjá sig um innrásina, sem Rússar kalla stundum sértæka hernaðaraðgerð“, án þess að eiga á hættu að vera reknir. Þá verja lögregluþjónar miklum tíma í að rannsaka ábendingar um að fólk hafi vanvirt herinn. Það að gagnrýna innrásina fellur undir vanvirðingu við herinn, sem er bannað samkvæmt nýjum lögum í Rússlandi. Fjölmargir hafa verið dæmdir fyrir að vanvirða herinn og getur fylgt því nokkuð langur fangelsisdómur. Þrír viðmælendur BBC sem starfa eða störfuðu hjá innanríkisráðuneyti Rússlands segjast verja mestum tíma þeirra í vinnunni í að rannsaka „endalausar ásakanir“ um vanvirðingu við herinn. „Fólk er sífellt að finna ástæðu til að ásaka einhvern,“ sagði einn viðmælendanna, sem var áður borgarstjóri Tomsk. „Það er enginn til staðar, því allir eru uppteknir við að ræða við einhverja ömmu sem sá gluggatjald sem leit út eins og úkraínski fáninn.“ Maðurinn sagðist búast við því að á næstu árum muni þetta versna áfram. Sífellt meiri áhersla verði lögð á að stöðva meinta glæpi gegn yfirvöldum. Minni áhersla verði lögð á að rannsaka glæpi gegn almenningi eins og mannrán, rán, nauðganir og morð.
Rússland Innrás Rússa í Úkraínu Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Fær þyngri dóm fyrir að nauðga konu, taka það upp og senda henni Innlent Maðurinn kominn í leitirnar Innlent Töluverður eldsvoði og þrír fluttir af vettvangi í sjúkrabíl Innlent Bensínbrúsar inni í íbúðinni Innlent Ákærður fyrir að ráðast á leigubílstjóra Innlent Einn lést í brunanum á Hjarðarhaga Innlent Mjög alvarlegt tilfelli Innlent Íslendingur í Bandaríkjunum: „Þetta er mjög óþægileg staða“ Erlent Annar látinn eftir eldsvoðann á Hjarðarhaga Innlent Fleiri fréttir Tólf særðir eftir hnífstunguárás í Hamborg Vilja breyta mannréttindasáttmála til að auðvelda sér að sparka innflytjendum úr landi Hvetja Íslendinga í Harvard til að hafa samband Ákærður fyrir að myrða sendiráðsstarfsfólk Ísraels Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Sjá meira