Hælisleitendur sem fá synjun fari í búsetuúrræði „með takmörkunum“ Kjartan Kjartansson skrifar 28. ágúst 2023 08:55 Rúmlega sex hundruð fulltrúar af öllu landinu eiga sæti í flokksráðið Sjálfstæðisflokksins. Vísir/Einar Flokksráð Sjálfstæðisflokksins vill að hælisleitendur sem fá synjun og eigi ekki samvinnu við yfirvöld skuli sæta vistun í búsetuúrræði með takmörkunum þar til hægt er að vísa þeim úr landi. Dómsmálráðherra hefur talað um að ferðafrelsi fólks væri skert í slíku úrræði. Verndarkerfi flóttamanna er sagt ógnað í ályktun sem flokksráð Sjálfstæðisflokksins samþykkti um helgina. Flokksráðið er æðsta stofnun flokksins utan landsfunda og í því eiga sæti rúmlega sex hundruð fulltrúar, þar á meðal ráðherrar, þingmenn og sveitarstjórnarmenn. Flokksráðið segir að undir forystu ráðherra flokksins hafi lagabreytingar verið gerðar til þess að styrkja undirstöður verndarkerfisins en margt sé enn ógert. Einfalda þurfi kerfið og stytta alla ferla sem varða umsækjendu um alþjóðlega vernd. Sjálfstæðismenn vilja að þeim sem fá ekki alþjóðlega vernd skuli gert að yfirgefa landið eins fljótt og hægt er eftir að niðurstaða liggur fyrir í málum þeirra. „Þeir sem ekki eiga samvinnu við yfirvöld skulu sæta vistun í búsetuúrræði með takmörkunum þar til hægt er að brottvísa af landinu,“ segir í ályktuninni. Guðrún Hafsteinsdóttir, dómsmálaráðherra Sjálfstæðisflokksins, hefur viðrað möguleikann á að hælisleitendunum sem fá synjun um vernd verði komið fyrir í einhvers konar búsetuúrræði þar sem ferðafrelsi þeirra væri skert. Vilja Sundabraut í samgöngusáttmála Á meðal þess sem flokksráðið leggur sérstaka áherslu á í ályktun sinni er að endurskoða samgöngusáttmála höfuðborgarsvæðisins á milli ríkis og sveitarfélaganna á svæðinu. Borgarlínan er hluti af þeim sáttmála. Ráðið vill endurskoða sáttmálanna með skilvirkni og hagkvæmni að leiðarljósi. „Í sáttmálanum á að leggja áherslu á greiðar samgöngur óháð samgöngumáta,“ segir í ályktuninni. Þá segir þar að Sundabraut eigi að vera hluti af samgöngusáttmálanum. Í orkumálum vill flokksráðið stórauka framleiðslu grænnar orku tafarlaust. Það segir að treysta verði flutningskerfi raforku og endurskoða lög um rammaáætlun og einfalda regluverk og stjórnsýslu sem tengist grænni orkuvinnslu. Ísland eigi að vera leiðandi í orkuskiptum og fyrirmynd annarra þjóða. Ljúka sölu á Íslandsbanka fyrir lok 2024 Í efnahagsmálum vill flokksráðið að stuðlað verði að stöðugleika og lækkun verðbólgu með aðhaldi í ríkisfjármálum þar sem útgjöld verði ekki aukin. Auka skuli hagræðingu með fækkun stofnana, sölu ríkisfyrirtækja og fjárfestingu í starfrænni stjórnsýslu. Flokkurinn vill halda áfram á braut þess að einfalda skattkerfið, létta byrðar launafólks og auka kaupmátt, styrkja afkomu fyrirtækja, hvetja þau til fjárfestinga og byggja undir nýsköpun og þróun. Sérstaklega vill flokksráðið að hugað verði að barnafjölskyldum, meðal annars með breytingum á barnabótakerfinu og hækkun hámarksgreiðslu í fæðingarorlofi. Þá vill flokksráðið fækka stöðugildum í allri stjórnsýslu ríkisins með aukinni sjálfvirkni og með því að úthýsa verkefnum. Sérstök áhersla er lögð á að lokið verði við sölu á öllum hlutum ríkisins í Íslandsbanka í almennu útboðið fyrir lok næsta árs í ályktun flokksráðsins. Einnig sé nauðsynlegt að ríkið losi um eignarhald sitt á Landsbankanum á næstu árum. Leggja niður ÁTVR og afnema útvarpsgjald Af öðrum málum vill Sjálfstæðisflokkurinn meðal annars taka Ríkisútvarpið af auglýsingamarkaði og leggja útvarpsgjaldið niður, bjóða út rekstur Fríhafnarinnar í Keflavík og leggja niður ÁTVR. Einnig vill flokkurinn fjölga lögreglumönnum og tryggja öryggi þeirra. Vinna þurfi marvisst gegn skipulagðri glæpastarfsemi og hryðjuverkaógn. Sjálfstæðisflokkurinn Ríkisstjórn Katrínar Jakobsdóttur Hælisleitendur Flóttafólk á Íslandi Mest lesið „Stundin sem við höfum óttast er runnin upp“ Erlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Háhyrning rak á land í Grafarvogi Innlent Tilfinningaþrungin ræða á þingi SÞ: „Stolt, fötluð, og óendanlega þakklát“ Innlent Aðalmeðferð hafin í máli Sigurðar Fannars Innlent „Hjólið fellur á flugi, auðvitað er það alvarlegt“ Innlent Fannst látinn í hlíðum Esjunnar Innlent Íslendingur í Graz: „Brotna niður við að hugsa um þessa foreldra“ Erlent Musk sér eftir sumum færslunum sem hann birti um Trump Erlent Fleiri fréttir Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ „Hjólið fellur á flugi, auðvitað er það alvarlegt“ Þrjú ár fyrir að svíkja út 156 milljónir og leggja inn á fjölskylduna Endósamtökin lýsa yfir þungum áhyggjum Grunur um að nefhjól úr flugvél hafi lent á Austurvelli „Fráleitt“ að halda að ríkisstjórnin bakki með veiðigjaldafrumvarpið Fannst látinn í hlíðum Esjunnar „Ert eiginlega hættur að finna lögreglumenn á samfélagsmiðlum“ Maðurinn á Esjunni er fundinn Ágúst Ólafur aðstoðar borgarstjóra Eldur í bílskúr á Álftanesi Nafn mannsins sem drukknaði við Örfirisey Persónuvernd lagði Landlækni en sektin milduð Rannsókn banaslyss í Brúará miði vel Guðrún spyr um há laun æðstu ráðamanna Fullyrðing um slaufun verknámsskóla „kolröng“ Rafmagn komið á aftur VG skoðar samstarf við aðra flokka fyrir kosningar næsta vor Grunur um íkveikju á Hjarðarhaga Mættu heim til lögreglumanns og ógnuðu honum með hníf Orri Harðarson er allur Látinn eftir líkamsárás en árásarmaðurinn gengur laus Sjá meira
Verndarkerfi flóttamanna er sagt ógnað í ályktun sem flokksráð Sjálfstæðisflokksins samþykkti um helgina. Flokksráðið er æðsta stofnun flokksins utan landsfunda og í því eiga sæti rúmlega sex hundruð fulltrúar, þar á meðal ráðherrar, þingmenn og sveitarstjórnarmenn. Flokksráðið segir að undir forystu ráðherra flokksins hafi lagabreytingar verið gerðar til þess að styrkja undirstöður verndarkerfisins en margt sé enn ógert. Einfalda þurfi kerfið og stytta alla ferla sem varða umsækjendu um alþjóðlega vernd. Sjálfstæðismenn vilja að þeim sem fá ekki alþjóðlega vernd skuli gert að yfirgefa landið eins fljótt og hægt er eftir að niðurstaða liggur fyrir í málum þeirra. „Þeir sem ekki eiga samvinnu við yfirvöld skulu sæta vistun í búsetuúrræði með takmörkunum þar til hægt er að brottvísa af landinu,“ segir í ályktuninni. Guðrún Hafsteinsdóttir, dómsmálaráðherra Sjálfstæðisflokksins, hefur viðrað möguleikann á að hælisleitendunum sem fá synjun um vernd verði komið fyrir í einhvers konar búsetuúrræði þar sem ferðafrelsi þeirra væri skert. Vilja Sundabraut í samgöngusáttmála Á meðal þess sem flokksráðið leggur sérstaka áherslu á í ályktun sinni er að endurskoða samgöngusáttmála höfuðborgarsvæðisins á milli ríkis og sveitarfélaganna á svæðinu. Borgarlínan er hluti af þeim sáttmála. Ráðið vill endurskoða sáttmálanna með skilvirkni og hagkvæmni að leiðarljósi. „Í sáttmálanum á að leggja áherslu á greiðar samgöngur óháð samgöngumáta,“ segir í ályktuninni. Þá segir þar að Sundabraut eigi að vera hluti af samgöngusáttmálanum. Í orkumálum vill flokksráðið stórauka framleiðslu grænnar orku tafarlaust. Það segir að treysta verði flutningskerfi raforku og endurskoða lög um rammaáætlun og einfalda regluverk og stjórnsýslu sem tengist grænni orkuvinnslu. Ísland eigi að vera leiðandi í orkuskiptum og fyrirmynd annarra þjóða. Ljúka sölu á Íslandsbanka fyrir lok 2024 Í efnahagsmálum vill flokksráðið að stuðlað verði að stöðugleika og lækkun verðbólgu með aðhaldi í ríkisfjármálum þar sem útgjöld verði ekki aukin. Auka skuli hagræðingu með fækkun stofnana, sölu ríkisfyrirtækja og fjárfestingu í starfrænni stjórnsýslu. Flokkurinn vill halda áfram á braut þess að einfalda skattkerfið, létta byrðar launafólks og auka kaupmátt, styrkja afkomu fyrirtækja, hvetja þau til fjárfestinga og byggja undir nýsköpun og þróun. Sérstaklega vill flokksráðið að hugað verði að barnafjölskyldum, meðal annars með breytingum á barnabótakerfinu og hækkun hámarksgreiðslu í fæðingarorlofi. Þá vill flokksráðið fækka stöðugildum í allri stjórnsýslu ríkisins með aukinni sjálfvirkni og með því að úthýsa verkefnum. Sérstök áhersla er lögð á að lokið verði við sölu á öllum hlutum ríkisins í Íslandsbanka í almennu útboðið fyrir lok næsta árs í ályktun flokksráðsins. Einnig sé nauðsynlegt að ríkið losi um eignarhald sitt á Landsbankanum á næstu árum. Leggja niður ÁTVR og afnema útvarpsgjald Af öðrum málum vill Sjálfstæðisflokkurinn meðal annars taka Ríkisútvarpið af auglýsingamarkaði og leggja útvarpsgjaldið niður, bjóða út rekstur Fríhafnarinnar í Keflavík og leggja niður ÁTVR. Einnig vill flokkurinn fjölga lögreglumönnum og tryggja öryggi þeirra. Vinna þurfi marvisst gegn skipulagðri glæpastarfsemi og hryðjuverkaógn.
Sjálfstæðisflokkurinn Ríkisstjórn Katrínar Jakobsdóttur Hælisleitendur Flóttafólk á Íslandi Mest lesið „Stundin sem við höfum óttast er runnin upp“ Erlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Háhyrning rak á land í Grafarvogi Innlent Tilfinningaþrungin ræða á þingi SÞ: „Stolt, fötluð, og óendanlega þakklát“ Innlent Aðalmeðferð hafin í máli Sigurðar Fannars Innlent „Hjólið fellur á flugi, auðvitað er það alvarlegt“ Innlent Fannst látinn í hlíðum Esjunnar Innlent Íslendingur í Graz: „Brotna niður við að hugsa um þessa foreldra“ Erlent Musk sér eftir sumum færslunum sem hann birti um Trump Erlent Fleiri fréttir Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ „Hjólið fellur á flugi, auðvitað er það alvarlegt“ Þrjú ár fyrir að svíkja út 156 milljónir og leggja inn á fjölskylduna Endósamtökin lýsa yfir þungum áhyggjum Grunur um að nefhjól úr flugvél hafi lent á Austurvelli „Fráleitt“ að halda að ríkisstjórnin bakki með veiðigjaldafrumvarpið Fannst látinn í hlíðum Esjunnar „Ert eiginlega hættur að finna lögreglumenn á samfélagsmiðlum“ Maðurinn á Esjunni er fundinn Ágúst Ólafur aðstoðar borgarstjóra Eldur í bílskúr á Álftanesi Nafn mannsins sem drukknaði við Örfirisey Persónuvernd lagði Landlækni en sektin milduð Rannsókn banaslyss í Brúará miði vel Guðrún spyr um há laun æðstu ráðamanna Fullyrðing um slaufun verknámsskóla „kolröng“ Rafmagn komið á aftur VG skoðar samstarf við aðra flokka fyrir kosningar næsta vor Grunur um íkveikju á Hjarðarhaga Mættu heim til lögreglumanns og ógnuðu honum með hníf Orri Harðarson er allur Látinn eftir líkamsárás en árásarmaðurinn gengur laus Sjá meira