Erlent

Banna skó­síða kyrtla í skólum landsins

Hólmfríður Gísladóttir skrifar
Kona klæðist „abaya“ í verslunarferð.
Kona klæðist „abaya“ í verslunarferð. Getty/Universal Images/Godong/Philippe Lissac

Gabriel Attal, menntamálaráðherra Frakklands, segist hafa ákveðið að banna stúlkum og konum að klæðast „abaya“, víðum skósíðum kyrtlum í ríkisreknum skólum landsins.

Bannið tekur gildi strax í haust.

Frakkar bönnuðu nemendum að klæðast höfuðslæðum árið 2004 og þá eru trúarleg tákn bönnuð í skólum og opinberum byggingum.

„Þegar þú gengur inn í skólastofu átt þú ekki að séð hvaða trúarbrögð nemendur iðka bara með því að horfa á þá,“ sagði Attal í samtali við TF1. 

Málið hefur verið mikið í umræðunni í Frakklandi síðustu misseri, þar sem ýmist hefur verið kallað eftir banni eða áhyggjur viðraðar af réttindum stúlkna og kvenna til að klæðast eins og þær vilja.

Fimm milljónir múslíma búa í Frakklandi og boð og bönn gegn klæðnaði sem tíðkast meðal þeirra hafa vakið töluverða reiði. Önnur trúarbrögð hafa þó ekki farið varhluta af herferð stjórnvalda en kollhúfur gyðinga og krossar kristinna hafa einnig verið bönnuð.

BBC greindi frá.

Frakkland Trúmál Mannréttindi Skóla - og menntamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið