Býr í tjaldi í hraungjótu

Lovísa Arnardóttir skrifar 11. ágúst 2023 21:01

Tjaldið sem Omar býr í er ekki stórt. Vísir/Arnar

Tvítugur flóttamaður býr í hraungjótu en hann hefur misst allan rétt á þjónustu og aðstoð á Íslandi eftir endanlega synjun á umsókn um alþjóðlega vernd. Hann vill ekki fara aftur heim þar sem hann segist sæta ofsóknum vegna trúarbragða.

Omar er tvítugur og er frá Conakry höfuðborg Gínea. Hann kom til Íslands fyrir þremur árum og átta mánuðum og hefur fengið endanlega synjun um alþjóðlega vernd. Hann var fluttur í úrræði ríkislögreglustjóra í Bæjarhrauni, sem er síðasta stopp fólks á leið úr landi, en fór þaðan fyrir níu dögum og býr í tjaldi í gjótu við Hafnarfjörð og Garðabæ.

Hann segir það skárra en að fara aftur heim en hann flúði land sitt vegna ofsókna en hann vill ekki vera múslimi, eins og langflestir í landinu, heldur iðka kristna trú.

„Mér líður ekki vel í tjaldinu. Það er mjög kalt og það rennur of mikið vatn inn. Ég á erfitt með að sofa,“ segir hann og að hann vilji frekar gista í tjaldi á Íslandi en að fara heim þar sem hann óttast að vera drepinn.

Omar er einn þeirra 30 sem hafa yfirgefið þjónustu ríkislögreglustjóra sjálfviljug eftir að hafa verið tilkynnt um lok þjónustu í samræmi við breytingar á útlendingalögum síðasta vor.

Í kjölfar breytinga á útlendingalögum sem Alþingi samþykkti í vor fól dómsmálaráðuneytið ríkislögreglustjóra að annast þjónustu við þau sem hafa fengið endanlega synjun á umsókn sinni um alþjóðlega vernd, en þó aðeins að hámarki í 30 daga. Að því loknu missir fólk allan rétt á þjónustu eða aðstoð. Eftir að fólki er tilkynnt um yfirvofandi þjónustumissi er því vísað í nýtt úrræði á vegum Ríkislögreglustjóra í Bæjarhrauni í Hafnarfirði.

Frá 1. júlí hefur 53 verið tilkynnt um niðurfellingu þjónustu og hafa tíu farið af landi brott eða eru að undirbúa brottför. 30 hafa fullnýtt 30 dagana eða farið sjálfviljug úr þjónustu.

Úrræðið er hugsað sem síðasta stopp áður en fólk fer úr landi. Sá vandi hefur þó skapast eftir breytingu laganna að ekki allir vilja eða geta farið og eru því algerlega réttindalaus á Íslandi, og jafnvel heimilislaus.

Fimm var vísað úr úrræðinu í dag. Af þeim voru þrjár konur frá Nígeríu og tveir karlmenn, annar frá Írak og ekki vitað hvaðan hinn er.

Búast má við því að fleiri lendi í sömu stöðu og Omar næstu daga en enn eru um 20 einstaklingar búsettir í úrræði Ríkislögreglustjóra sem eiga eftir að klára sína 30 daga og hafa ekki allir sýnt samstarfsvilja við að fara.

Flóttafólk á Íslandi Ríkisstjórn Katrínar Jakobsdóttur Hafnarfjörður Garðabær

Tengdar fréttir

„Lögin eru að virka sem skyldi“

Dómsmálaráðherra segir ný útlendingalög virka sem skyldi. Fólk sem missi þjónustu 30 dögum eftir endanlega synjun um alþjóðlega vernd verði að sýna samstarfsvilja um að fara úr landi.

11. ágúst 2023 17:13

„Ég veit ekki hvað þau vilja að við gerum“

Flóttakonan Blessing Newton segist ekki vita hvert hún eigi að leita eftir að henni ásamt hópi flóttafólks var gert að yfirgefa húsakynni Embættis ríkislögreglustjóra í Hafnarfirði í dag. Hún hefur verið svipt réttindum eftir að hafa fengið endanlega synjun um alþjóðlega vernd. Önnur flóttakona segist ráðalaus. Mál þeirra vekja spurningar varðandi ný útlendingalög.

11. ágúst 2023 13:34

Hvað verður um Blessing á föstudag?

Blessing er þolandi áralangs mansals á Ítalíu og hefur í fimm ár barist árangurslaust fyrir hæli hér á landi. Íslensk stjórnvöld hafa synjað henni um vernd en þó viðurkennt að Ítalía sé ekki öruggt land fyrir hana þar sem hún er mansalsbrotaþoli.

9. ágúst 2023 13:00

„Ég bjóst ekki við því að Ísland kæmi svona fram við flóttamenn“

Nýtt búsetuúrræði hefur verið opnað fyrir fólk sem hefur sótt um alþjóðlega vernd og fengið endanlega synjun en lögreglu var falið að þjónusta þennan hóp eftir að útlendingalögum var breytt í vor.

2. ágúst 2023 07:02

„Ég veit ekki hvað þau vilja að við gerum“

11. ágúst 2023 13:34

Þolendur mansals sviptar öllum réttindum og vísað á götuna

Tvær konur á flótta óttast að lenda á götunni á morgun. Báðar eru þolendur mansals og hafa verið á Íslandi um árabil. Þær hafa verið sviptar öllum réttindum eftir að þær fengu endanlega synjun um alþjóðlega vernd.

10. ágúst 2023 21:01

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.