Fjör með Bylgju­lestinni í Hafnar­firði síðasta laugar­dag

Bæjar- og tónlistarhátíðin Í hjarta Hafnarfjarðar fór fram þennan daginn en hátíðin er haldin hverja helgi í júlí og lýkur fimmtudaginn 3. ágúst.

Lestarstjórar Bylgjulestarinnar á laugardag voru þau Erna Hrönn, Ómar Úlfur og Vala Eiríks og var Bylgjulestarbíllinn staðsettur fyrir aftan Bæjarbíó þar sem þau voru í beinni milli kl. 12 og 16.

Geggjaðir matarvagnar frá Götubitanum voru á staðnum og einnig leiktæki og hoppukastalar frá Köstulum ehf. Boðið var upp á sápukúlufjör, andlitsmálningu, brjóstsykursgerð og samstarfsaðilar Bylgjunnar settu upp leiki þar sem fyrstu krakkarnir sem mættu fengu gjafapoka.

Einnig var boðið upp á skemmtilegan leik sem heitir Tengiru? en hann er leikur Bylgjulestarinnar í sumar. Þá mætir fólk fyrir utan Bylgjulestarbílinn, setur á sig bláan hanska og setur eina hönd á bílinn. Sá sem heldur lengst tengingu við bílinn fær svakalegan vinning en þátttakendur þurfa á meðan að leysa allskyns krefjandi verkefni með höndina fasta við bílinn.

Næsta laugardag, 22. júlí, verður Bylgjulestin í Hljómskálagarðinum í Reykjavík þar sem stærsti matarviðburður á Íslandi verður haldinn, Götubitahátíðin 2023. Hoppukastalar frá Kastalar.is verða í garðinum, boðið verður upp á vatnabolta, klessubolta, trampólín leiktæki, blaðrarinn mætir og leikir og skemmtun verður í boði samstarfsaðilanna okkar sem eru Orka náttúrunnar, Vodafone, Hekla, Samgöngustofa og Nettó.

Bylgjulestin, björt og brosandi um allt land í sumar.