Ferð­manna­straumurinn í júní sam­bæri­legur við me­t­árið 2018

Frá þessu er greint í tilkynningu frá Ferðamálstofu.

Ein af hverjum fimm brottförum var vegna Bandaríkjamanna. 

Brottfarir Íslendinga um Keflavíkurvöll voru 55 þúsund, eða um 77 prósent af því sem var árið 2018.

„Flestar brottfarir í júní, um 101 þúsund talsins, voru tilkomnar vegna Bandaríkjamanna (43,3% af heild) en Bandaríkjamenn hafa verið stærsta þjóðernið í júnímánuði frá árinu 2011. Brottfarir Þjóðverja voru í öðru sæti, tæplega 18 þúsund talsins eða 7,6% af heild,“ segir í tilkynningunni.

Brottfarir Pólverja voru í þriðja sæti og Breta í fjórða. Þar á eftir fylgdu Frakkar, Hollendingar, Spánverjar, Kanadamenn, Ítalir og Svíar.

Frá áramótum hafa 953 þúsund erlendir farþegar farið frá Íslandi um Keflavíkurvöll sem er 51 prósent aukning frá sama tíma í fyrra. Fjöldinn frá áramótum er um 90,7 prósent af fjöldanum sama tímabil árið 2018.

„Brottfarir Íslendinga voru um 55.300 í júní eða 16,1% færri en þær mældust í sama mánuði í fyrra (2022). Mest hafa brottfarir Íslendinga mæst 71.200 í júnímánuði árið 2018. Frá áramótum (jan-júní ) hafa brottfarir Íslendinga mælst um 293 þúsund eða 90,8% af því sem þær mældust á sama tímabili árið 2018 þegar mest var.“