Sjálf­stæðis­menn í Suður­kjör­dæmi þrýsta á Bjarna um að standa við lof­orðin

Áskorunin var samþykkt á stjórnarfundi á miðvikudaginn en send fjölmiðlum í nótt.

„Samkvæmt ítrustu túlkunum á hinum svokölluðum „12-18 mánuðum”, þá er tíminn runninn upp og rúmleg það. Suðurkjördæmi var eina landsbyggðarkjördæmið þar sem Sjálfstæðisflokkurinn hlaut 1. mann kjörinn,“ segir í áskoruninni.

Þá segir að Sjálfstæðismenn í Suðurkjördæmi hafi gengið af síðasta landsfundi fullvissir um að Guðrún yrði ráðherra snemma á vormánuðum 2023. Núna sé komin tími til að „leggja orð í efndir“. 

„Það er algjör lágmarkskrafa um að hún taki sæti í ríkisstjórn við lok þingveturs,“ segir að lokum.

Athygli vekur að orðin „efna gefin loforð“ og „leggja orð í efndir“ eru feitletruð. Þá er ekki talað um að Guðrún fái endilega dómsmálaráðuneytið, eins og áður hafði verið rætt um.