Þyrlan var kölluð úr í þrígang síðastliðinn sólarhing. Vísir/Vilhelm
Þyrlusveit Landhelgisgæslunnar var þrisvar sinnum kölluð út síðastliðinn sólarhring. Tvö útkallanna voru utan af sjó.
Þetta kemur fram í tilkynningu frá Landhelgisgæslunni. Þar er greint frá að þyrlan hafi verið kölluð út á þriðja tímanum í nótt vegna bráðra veikinda um borð á togara sem staddur var út af Búðarhorni á Vestfjörðum. Skipverjinn var fluttur á sjúkrahús í Reykjavík.
Að auki kemur fram að síðdegis í gær hafi skipverji á öðrum togara sem staddur var á miðjum Faxaflóa verið hífður upp í þyrluna og fluttur á sjúkrahús vegna slyss um borð.
Þá var göngukona sem hrasaði og slasaðist á fæti á Breiðamerkurjökli í gærdag flutt með þyrlunni á Landspítalann.
Smábátur strandaði skammt innan við Arnarstapa á tíunda tímanum í kvöld. Einn var um borð í bátnum og hann komst í land af sjálfsdáðum og var fluttur á sjúkrastofnun á Ólafsvík.
Stjórnstöð Landhelgisgæslunnar barst í morgun beiðni um aðstoð á sjó. Þá hafði maður í áhöfn togskips út af Snæfellsnesi fótbrotnað þegar skipið fékk á sig brotsjó.
Þyrla Landhelgisgæslunnar var kölluð út fyrr í dag vegna slasaðs göngumanns á Mýrum í Borgarfirði. Göngumaðurinn var sóttur og hefur verið fluttur á spítala en meiðsli hans eru ekki talin alvarleg.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
