Íslenski boltinn

Meistararnir komnir aftur á sinn völl

Sindri Sverrisson skrifar
Gísli Eyjólfsson með boltann á Kópavogsvelli í 1. umferð Bestu deildarinnar, í leik sem Blikar vilja þó sjálfsagt gleyma þar sem þeir töpuðu fyrir grönnum sínum úr HK. Síðan þá hefur ekki verið spilað á vellinum vegna framkvæmda.
Gísli Eyjólfsson með boltann á Kópavogsvelli í 1. umferð Bestu deildarinnar, í leik sem Blikar vilja þó sjálfsagt gleyma þar sem þeir töpuðu fyrir grönnum sínum úr HK. Síðan þá hefur ekki verið spilað á vellinum vegna framkvæmda. VÍSIR/HULDA MARGRÉT

Leikmenn Breiðabliks eru farnir að geta æft og spilað á nýjan leik á heimavelli sínum, Kópavogsvelli, eftir að nýtt gervigras var lagt á völlinn.

Blikar sýndu frá fyrstu æfingu á nýja grasinu í dag en þar voru Íslandsmeistararnir í karlaliðinu á ferðinni.

Þeir spila jafnframt fyrsta leikinn á nýja grasinu, á sunnudaginn þegar þeir taka á móti KA í Bestu deildinni.

Kvennalið Breiðabliks spilar svo sinn fyrsta heimaleik á leiktíðinni næsta þriðjudag þegar liðið tekur á móti FH. Blikakonur þurftu að byrja Íslandsmótið á fjórum útileikjum og töpuðu tveimur þeirra en unnu tvo. Í staðinn spila þær fimm heimaleiki í röð á þrjátíu daga tímabili í júní og júlí.

Karlalið Breiðabliks gat hafið Íslandsmótið á Kópavogsvelli, áður en framkvæmdir þar hófust, en þurfti svo að spila heimaleik sinn við Fram á Würth-vellinum í Árbæ en fagnaði þó 5-4 sigri í ævintýralegum leik.

Fimm af sjö leikjum Íslandsmeistaranna til þessa hafa verið á útivelli og hafa þeir unnið fjóra þeirra en tapað einum.

Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 4.990 kr. á mánuði og má kaupa hér.

Besta deild karla Besta deild kvenna Breiðablik

Mest lesið


Fleiri fréttir

Sjá meira


×

Mest lesið