Rekin úr íbúðinni vegna smáhunds fósturdóttur sinnar Jakob Bjarnar skrifar 7. maí 2023 09:04 Monika Makowska segir hundinn bjargræði fyrir fósturdóttur sína sem hún tók að sér eftir að stúlkan missti fjölskyldu sína í skelfilegu bílslysi. vísir/vilhelm Monika Macowska leigjandi er afar ósátt við hvernig staðið var að riftun leigusamnings hennar og á hvaða forsendum. Smáhundur sem hún fékk fyrir fósturdóttur sína sem er að eiga við áfallastreituröskun eftir alvarlegt áfall er uppgefin ástæða uppsagnarinnar. Formaður húsfélagsins, sem jafnframt er leigusali hennar, sagði leigusamningnum upp á þeim forsendum að Monika hafi gerst brotleg við reglur um gæludýrahald. Það sé bannað í blokkinni sem stendur við Blásali 22 í Kópavogi. Um er að ræða stórt fjölbýlishús. Monika segir þetta ekki standast því í húsinu séu aðrir hundar auk annarra gæludýra. Þær mæðgur fyrir framan blokkina sem þeim hefur nú verið gert að yfirgefa.vísir/vilhelm „Þetta er mjög ósanngjarnt,“ segir Monika í samtali við Vísi. „Það eru þrír hundar í húsinu og ég þarf að flytja?! Ég skil ekki af hverju?“ Hundurinn ómetanlegur fyrir stúlku í áfalli Það sem gerir málið sérlega viðkvæmt og átakanlegt í senn er að Monika, sem er frá Póllandi, fékk hundinn sérstaklega fyrir fósturdóttur sína sem hefur nú um árabil mátt eiga við alvarlega áfallastreituröskun. Hún missti fjölskyldu sína í skelfilegu bílslysi 2017 en fjallað var um það í fréttum á sínum tíma. Monika tók stúlkuna að sér í kjölfarið en faðir hennar er bróðir Moniku. Stúlkan hefur mátt eiga við afleiðingar þessa skelfilega áfalls og segir Monika hundinn hafa reynst ómetanlegur fyrir stúlkuna. Henni líði miklu betur eftir að hundurinn kom til sögunnar. Hér sé því ekki um það að ræða að hún hafi verið að fá sér hund upp á sportið. Monika segist hafa reynt að benda leigusala sínum á þessa stöðu en allt hafi komið fyrir ekki. „Leigusalinn segir að það megi vel vera að hundurinn hafi góð áhrif á stelpuna en hún sé einfaldlega ekki sérfróð á þessu sviði og þar við situr.“ Staðan er hins vegar sú að hægara sé sagt en gert að losa sig við hundinn. Það hefði afar slæm áhrif á stúlkuna. Segir ekkert ónæði stafa af hundinum Monika segir ekkert ónæði stafa af hundinum, þvert á móti sé hann afskaplega þægilegur smáhundur, hann gelti lítið sem ekkert og þegar hún fari með hann út þá haldi hún alltaf á honum. Þannig að hún telur þessa ástæðu uppsagnar leigusamningsins afar hæpna. Monika segir ekkert ónæði fylgja hundinum og það sem meira er, í blokkinni eru fleiri hundar en henni einni er gert að hlýta ströngum reglum, banni við gæludýrahaldi.vísir/vilhelm Leigjendasamtökin hafa látið þetta mál til sín taka en að sögn Guðmundar Hrafns Arngrímssonar formanns er þetta stórmál í húsfélaginu. Leigusalinn hafi verið í stjórn húsfélagsins, sé nú í varastjórn auk þess að vera leigusali en búi sjálf í einbýlishúsi í Garðabæ. Hún sé fyrrverandi erindreki í Brussel. Guðmundur Hrafn segir athugasemdir samtakanna snúa að því að ekki sé gætt jafnræðis. „Við gerðum athugasemdir við það að hún væri að beita leigjandann öðrum ákvæðum en gilda um aðra íbúa hússins,“ segir Guðmundur Hrafn. Leigendasamtökin telja riftunina ekki standast skoðun Formaðurinn segir það vissulega svo að gæludýrahald sé samkvæmt reglum húsfélagsins bannað en í húsinu séu fullt af gæludýrum og ekki hafi verið farið í neinar aðgerðir gegn þeim sem þau halda. Nú virðist eiga að skapa eitthvað fordæmi með því að flæma Moniku á brott. Guðmundur Hrafn hjá Leigjendasamtökunum segir mál Moniku sýna svart á hvítu hversu berskjaldaðir leigjendur séu; þeir séu upp á náð og miskunn leigusala sinna komnir. Annars blasi gatan við.vísir/vilhelm „Þetta mál sýnir glögglega þennan hrikalega valdamismun milli leigusala og leigjanda sem eru í afar viðkvæmri stöðu og kúgaðir. Varnarleysið er algert,“ segir Guðmundur Hrafn. Lögmenn samtakanna hafa farið yfir málið og vilja fá riftuninni hnekkt meðal annars á þeim forsendum að ekki hafi verið rétt staðið að uppsögninni. Hún hafi verið munnleg og í stopulum messenger-skilaboðum. „Svona riftanir halda aldrei fyrir dómi nema rétt sé að þeim staðið,“ segir Guðmundur Hrafn og um það gildi skýrar reglur. Þar þurfi að koma fram viðvörun og ef til dæmis það er svo að leigjanda sé sagt upp leigusamningi þurfi að koma til viðvörun og líði tveir mánuðir á milli þeirra, þá sé þar kominn byrjunarreitur – og sex mánaða uppsagnarfrestur. Málið hefur verið kært og verður tekið fyrir í Héraðsdómi Reykjaness strax eftir helgi. Uppfært 8. maí kl: 13:22 Mishermt var í fréttinni að téður leigusali væri formaður húsfélagsins, rétt er að hann var í stjórn og er nú í varastjórn félagsins. Lesendur eru beðnir velvirðingar á ónákvæmninni. Kópavogur Leigumarkaður Húsnæðismál Dómsmál Hundar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Dæmdur fyrir manndráp af gáleysi vegna ofsaaksturs undir áhrifum Innlent Vænsti maður og harðduglegur Innlent Læknirinn mátti læsa dætur sínar inni eftir allt saman Innlent Bíllinn í happdrætti Ástþórs úr hans eigin smiðju Innlent Halla Tómasdóttir tekur stökk í nýrri könnun Prósents Innlent Forsetavaktin 2024: Hver verður sjöundi forseti lýðveldisins? Innlent Vaknaði og barnið var horfið Innlent Lilja hefur áhyggjur af „nýlenskunni“ á RÚV Innlent Sáu ekki andlit huldumanns sem þeir telja vera Pétur Jökul Innlent Fleiri fréttir „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Fluttur með þyrlu til Reykjavíkur eftir árekstur Kaldavatnslaust á Arnarnesi Telur ekki viðeigandi að tjá sig um mál Maríu Sigrúnar Þurfi að gera úrbætur en ástandið verið ýkt Lilja hefur áhyggjur af „nýlenskunni“ á RÚV Lýsa eftir Bandaríkjamanni Bíllinn í happdrætti Ástþórs úr hans eigin smiðju Göngin lokuð á miðvikudagskvöld Tekur til varna eftir stuðningsyfirlýsingu við Katrínu Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Sjá meira
Formaður húsfélagsins, sem jafnframt er leigusali hennar, sagði leigusamningnum upp á þeim forsendum að Monika hafi gerst brotleg við reglur um gæludýrahald. Það sé bannað í blokkinni sem stendur við Blásali 22 í Kópavogi. Um er að ræða stórt fjölbýlishús. Monika segir þetta ekki standast því í húsinu séu aðrir hundar auk annarra gæludýra. Þær mæðgur fyrir framan blokkina sem þeim hefur nú verið gert að yfirgefa.vísir/vilhelm „Þetta er mjög ósanngjarnt,“ segir Monika í samtali við Vísi. „Það eru þrír hundar í húsinu og ég þarf að flytja?! Ég skil ekki af hverju?“ Hundurinn ómetanlegur fyrir stúlku í áfalli Það sem gerir málið sérlega viðkvæmt og átakanlegt í senn er að Monika, sem er frá Póllandi, fékk hundinn sérstaklega fyrir fósturdóttur sína sem hefur nú um árabil mátt eiga við alvarlega áfallastreituröskun. Hún missti fjölskyldu sína í skelfilegu bílslysi 2017 en fjallað var um það í fréttum á sínum tíma. Monika tók stúlkuna að sér í kjölfarið en faðir hennar er bróðir Moniku. Stúlkan hefur mátt eiga við afleiðingar þessa skelfilega áfalls og segir Monika hundinn hafa reynst ómetanlegur fyrir stúlkuna. Henni líði miklu betur eftir að hundurinn kom til sögunnar. Hér sé því ekki um það að ræða að hún hafi verið að fá sér hund upp á sportið. Monika segist hafa reynt að benda leigusala sínum á þessa stöðu en allt hafi komið fyrir ekki. „Leigusalinn segir að það megi vel vera að hundurinn hafi góð áhrif á stelpuna en hún sé einfaldlega ekki sérfróð á þessu sviði og þar við situr.“ Staðan er hins vegar sú að hægara sé sagt en gert að losa sig við hundinn. Það hefði afar slæm áhrif á stúlkuna. Segir ekkert ónæði stafa af hundinum Monika segir ekkert ónæði stafa af hundinum, þvert á móti sé hann afskaplega þægilegur smáhundur, hann gelti lítið sem ekkert og þegar hún fari með hann út þá haldi hún alltaf á honum. Þannig að hún telur þessa ástæðu uppsagnar leigusamningsins afar hæpna. Monika segir ekkert ónæði fylgja hundinum og það sem meira er, í blokkinni eru fleiri hundar en henni einni er gert að hlýta ströngum reglum, banni við gæludýrahaldi.vísir/vilhelm Leigjendasamtökin hafa látið þetta mál til sín taka en að sögn Guðmundar Hrafns Arngrímssonar formanns er þetta stórmál í húsfélaginu. Leigusalinn hafi verið í stjórn húsfélagsins, sé nú í varastjórn auk þess að vera leigusali en búi sjálf í einbýlishúsi í Garðabæ. Hún sé fyrrverandi erindreki í Brussel. Guðmundur Hrafn segir athugasemdir samtakanna snúa að því að ekki sé gætt jafnræðis. „Við gerðum athugasemdir við það að hún væri að beita leigjandann öðrum ákvæðum en gilda um aðra íbúa hússins,“ segir Guðmundur Hrafn. Leigendasamtökin telja riftunina ekki standast skoðun Formaðurinn segir það vissulega svo að gæludýrahald sé samkvæmt reglum húsfélagsins bannað en í húsinu séu fullt af gæludýrum og ekki hafi verið farið í neinar aðgerðir gegn þeim sem þau halda. Nú virðist eiga að skapa eitthvað fordæmi með því að flæma Moniku á brott. Guðmundur Hrafn hjá Leigjendasamtökunum segir mál Moniku sýna svart á hvítu hversu berskjaldaðir leigjendur séu; þeir séu upp á náð og miskunn leigusala sinna komnir. Annars blasi gatan við.vísir/vilhelm „Þetta mál sýnir glögglega þennan hrikalega valdamismun milli leigusala og leigjanda sem eru í afar viðkvæmri stöðu og kúgaðir. Varnarleysið er algert,“ segir Guðmundur Hrafn. Lögmenn samtakanna hafa farið yfir málið og vilja fá riftuninni hnekkt meðal annars á þeim forsendum að ekki hafi verið rétt staðið að uppsögninni. Hún hafi verið munnleg og í stopulum messenger-skilaboðum. „Svona riftanir halda aldrei fyrir dómi nema rétt sé að þeim staðið,“ segir Guðmundur Hrafn og um það gildi skýrar reglur. Þar þurfi að koma fram viðvörun og ef til dæmis það er svo að leigjanda sé sagt upp leigusamningi þurfi að koma til viðvörun og líði tveir mánuðir á milli þeirra, þá sé þar kominn byrjunarreitur – og sex mánaða uppsagnarfrestur. Málið hefur verið kært og verður tekið fyrir í Héraðsdómi Reykjaness strax eftir helgi. Uppfært 8. maí kl: 13:22 Mishermt var í fréttinni að téður leigusali væri formaður húsfélagsins, rétt er að hann var í stjórn og er nú í varastjórn félagsins. Lesendur eru beðnir velvirðingar á ónákvæmninni.
Kópavogur Leigumarkaður Húsnæðismál Dómsmál Hundar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Dæmdur fyrir manndráp af gáleysi vegna ofsaaksturs undir áhrifum Innlent Vænsti maður og harðduglegur Innlent Læknirinn mátti læsa dætur sínar inni eftir allt saman Innlent Bíllinn í happdrætti Ástþórs úr hans eigin smiðju Innlent Halla Tómasdóttir tekur stökk í nýrri könnun Prósents Innlent Forsetavaktin 2024: Hver verður sjöundi forseti lýðveldisins? Innlent Vaknaði og barnið var horfið Innlent Lilja hefur áhyggjur af „nýlenskunni“ á RÚV Innlent Sáu ekki andlit huldumanns sem þeir telja vera Pétur Jökul Innlent Fleiri fréttir „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Fluttur með þyrlu til Reykjavíkur eftir árekstur Kaldavatnslaust á Arnarnesi Telur ekki viðeigandi að tjá sig um mál Maríu Sigrúnar Þurfi að gera úrbætur en ástandið verið ýkt Lilja hefur áhyggjur af „nýlenskunni“ á RÚV Lýsa eftir Bandaríkjamanni Bíllinn í happdrætti Ástþórs úr hans eigin smiðju Göngin lokuð á miðvikudagskvöld Tekur til varna eftir stuðningsyfirlýsingu við Katrínu Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Sjá meira