Fram kemur í tilkynningu frá Veðurstofunni að enginn gosórói hafi mælst. Skjálftarnir séu staðsettir í miðri öskjunni. Þá hefur fluglitakóði fyrir Kötlu verið settur á gult. Það er gert þegar eldstöð sýnir merki um virkni, umfram venjulegt ástand.
Þá hófst einnig jarðskjálftahrina á Reykjanestá í morgun. Stærsti skjálftinn sem mælst hefur í hrinunni var 3,4 að stærð klukkan 8:08. Engar tilkynningar hafa borist um að skjálftinn hafi fundist í byggð.
