Staðráðnir í að halda Bakhmut en Rússar sækja fram Samúel Karl Ólason skrifar 13. apríl 2023 16:56 Úkraínskir hermenn eru undir miklu álagi víða í austurhluta Úkraínu. Getty/Diego Herrera Átökin um bæinn Bakhmut í austurhluta Úkraínu hafa staðið yfir í um tíu mánuði og er líklega blóðugasta orrusta innrásar Rússa í Úkraínu. Síðustu vikur hafa Rússar náð hægum en tiltölulega stöðugum árangri í borginni og eru úkraínskir verjendur undir stöðugum árásum. Bakhmut er nú nánast ekkert nema rústir en þrátt fyrir erfiðar aðstæður eru forsvarsmenn úkraínska hersins staðráðnir í að halda vörninni áfram, samkvæmt frétt New York Times, en fregnir af yfirvofandi falli Bakhmut hafa borist reglulega á undanförnum mánuðum. Vilja halda Rússum í Bakhmut Bakhjarlar Úkraínu hafa ráðlagt Úkraínumönnum að hörfa frá Bakhmut og segja að bærinn sé ekki svo mikilvægur og að betra sé hörfa og koma upp nýrri varnarlínu þar sem aðstæður til varnar eru jafnvel betri í hæðunum vestur af bænum. Það hafa Úkraínumenn ekki viljað gera. Bakhmut hefur náð táknrænni merkingu fyrir bæði Úkraínumenn og Rússa. Hernám Bakhmut yrði fyrsti sigur Rússa í Úkraínu um langt skeið en Rússar vonast til þess að geta notað bæinn sem stökkpall lengra inn í Dónetskhérað og Donbas svæðið allt. Óljóst er hvort herafli Rússlands hafi yfir höfuð burði til að sækja frekar fram eftir orrustuna um Bakhmut, hvenær sem henni líkur. Úkraínumenn segjast valda miklu mannfalli meðal rússneskra hermanna í og við Bakhmut, þrátt fyrir erfiðar aðstæður fyrir úkraínska hermenn, sem hafa einnig fallið í miklum fjölda. Þar sem Rússar hafa að mestu verið að sækja fram þá hefur mannfallið líklega verið meira hjá þeim en Úkraínumönnum. Eitt af markmiðum Úkraínumanna virðist vera að halda rússneska hernum uppteknum við Bakhmut á meðan nýjar sveitir eru þjálfaðar og byggðar upp til gagnárása sem búist er við á næstu vikum. Berjast í miklu návígi Blaðamaður NYT heimsótti Bakhmut í vikunni og ræddi þar við hermenn og yfirmenn. Þar var ítrekað fyrir honum að markmiðið væri að halda Rússum uppteknum í aðdraganda væntanlegra gagnárása Úkraínumanna. „Þetta er virkilega erfið orrusta,“ sagði ofurstinn Pavlo Palisa. Hann stýrir því stórfylki sem heldur stærstum hluta víglínunnar í Bakhmut. „Við erum að hjálpa hersveitum okkar að vinna inn tíma, að safna skotfærum og vopnum og að undirbúa gagnsóknina.“ Hann tók einnig fram að hermenn í og nærri Bakhmut ættu við birgðaskort að stríða. Þá skorti meðal annars skotfæri fyrir stórskotalið og skriðdreka. „Fyrir mig sem yfirmann, er sársaukafullt að sjá hvernig við borgum fyrir skotfæraskortinn með lífi hermanna okkar“. Hér að neðan má sjá kort sem sýnir hvernig víglínan í Bakhmut hefur færst til á undanförnum vikum. Í fyrstu reyndu Rússar að sækja beint inn í bæinn en voru stöðvaðir. Þá reyndu þeir að umkringja bæinn í staðinn og komust nærri því. Þeir voru þó stöðvaðir þegar Úkraínumenn sendu liðsauka á svæðið. Nú hafa Rússar aftur byrjað að sækja fram í bænum sjálfum. This graphic by @nytimes shows the shifting frontlines in the city of Bakhmut from March 1 to April 1 to April 11 based on ISW and @criticalthreats data as well as satellite imagery by @Maxar.Full article: https://t.co/TGLKDMmIGH pic.twitter.com/hrtZMbVBBD— ISW (@TheStudyofWar) April 13, 2023 Hermennirnir sem rætt var við sögðu frá því að harðir bardagar hefðu átt sér stað innan borgarinnar og það í miklu návígi við Rússa. Stundum heyrðu þeir rússneska hermenn tala saman í nærliggjandi byggingum. Palisa rifjaði upp eitt atvik þar sem Rússar notuðu skriðdreka til að sprengja gat á vegg fjölbýlishúss sem Úkraínumenn héldu. Rússneskir hermenn streymdu svo inn um gatið og börðust um blokkina við Úkraínumenn herbergi fyrir herbergi. Úkraínumenn tóku þá ákvörðun að koma fyrir sprengjum í fjölbýlishúsinu, hlaupa út úr því og sprengja þær svo þar sem rússnesku hermennirnir voru enn inni. Rússneskir herbloggarar hafa skrifað um þessa taktík Úkraínumanna. Einn slíkur sagði að úkraínumenn hefðu laðað málaliða Wagner inn í byggingu og svo sprengt hana í loft upp. Several Russian sources talk about the Ukrainian tactic in Bakhmut where advancing chmobiks and convicts are lured into abandoned buildings which are then blown up. pic.twitter.com/ryOWnuvujr— Dmitri (@wartranslated) April 13, 2023 Úkraína Innrás Rússa í Úkraínu Rússland Hernaður Tengdar fréttir Herða lög um herkvaðningu fyrir gagnsókn Úkraínumanna Rússnesk stjórnvöld geta kvatt menn til herþjónustu rafrænt með frumvarpi sem er að verða að lögum áður en væntanleg gagnsókn Úkraínumanna hefst. Með þeim verður erfiðara fyrir menn að komast undan herþjónustu. Gagnrýnendur frumvarpsins segja skref í átt að „stafrænum fangabúðum“. 12. apríl 2023 17:39 Segir aftökumyndband sýna hið raunverulega Rússland Vólódímír Selenskí, forseti Úkraínu, segir að myndband sem sýnir rússneskan hermann skera höfuðið af úkraínskum hermanni í haldi Rússa, sé til marks um hvernig Rússland sé. Ódæðið muni aldrei gleymast og að Úkraínumenn þurfi aðstoð til að reka Rússa á brott. 12. apríl 2023 10:37 Kona handtekin vegna dráps á þekktum hernaðarbloggara Rússnesk yfirvöld segjast hafa handtekið unga konu í tengslum við dráp á þekktum hernaðarbloggara á kaffihúsi í Pétursborg um helgina. Upptökur frá kaffihúsinu sýna að kona afhenti bloggaranum styttu af honum sjálfum rétt áður en sprengja sprakk. 3. apríl 2023 10:06 Mest lesið Töluverður eldsvoði og þrír fluttir af vettvangi í sjúkrabíl Innlent Mjög alvarlegt tilfelli Innlent Tekur sér leyfi frá Alþingi til að fara í áfengismeðferð Innlent Segja slúbberta hjá hinu opinbera kosta ríkið 30 til 50 milljarða árlega Innlent Útburður manns úr Bríetartúni dreginn til baka Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Kynntu fyrirhugaðan Sæbrautarstokk Innlent Skera niður til að mæta launahækkunum Innlent Ráðist með hníf að ungmenni í Hafnarfirði Innlent Börnin fari út en liggi undir trampólíninu í símanum Innlent Fleiri fréttir Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Stefnir í baráttu á milli frjálslyndis og íhalds í Póllandi Árangur í viðræðum Bretlands við Evrópusambandið Ísraelsk stjórnvöld segjast ætla að hleypa hjálpargögnum á Gasa Spænska ríkissjónvarpið vill að símakosningin verði yfirfarin Nicusor Dan nýr forseti Rúmeníu Sjá meira
Bakhmut er nú nánast ekkert nema rústir en þrátt fyrir erfiðar aðstæður eru forsvarsmenn úkraínska hersins staðráðnir í að halda vörninni áfram, samkvæmt frétt New York Times, en fregnir af yfirvofandi falli Bakhmut hafa borist reglulega á undanförnum mánuðum. Vilja halda Rússum í Bakhmut Bakhjarlar Úkraínu hafa ráðlagt Úkraínumönnum að hörfa frá Bakhmut og segja að bærinn sé ekki svo mikilvægur og að betra sé hörfa og koma upp nýrri varnarlínu þar sem aðstæður til varnar eru jafnvel betri í hæðunum vestur af bænum. Það hafa Úkraínumenn ekki viljað gera. Bakhmut hefur náð táknrænni merkingu fyrir bæði Úkraínumenn og Rússa. Hernám Bakhmut yrði fyrsti sigur Rússa í Úkraínu um langt skeið en Rússar vonast til þess að geta notað bæinn sem stökkpall lengra inn í Dónetskhérað og Donbas svæðið allt. Óljóst er hvort herafli Rússlands hafi yfir höfuð burði til að sækja frekar fram eftir orrustuna um Bakhmut, hvenær sem henni líkur. Úkraínumenn segjast valda miklu mannfalli meðal rússneskra hermanna í og við Bakhmut, þrátt fyrir erfiðar aðstæður fyrir úkraínska hermenn, sem hafa einnig fallið í miklum fjölda. Þar sem Rússar hafa að mestu verið að sækja fram þá hefur mannfallið líklega verið meira hjá þeim en Úkraínumönnum. Eitt af markmiðum Úkraínumanna virðist vera að halda rússneska hernum uppteknum við Bakhmut á meðan nýjar sveitir eru þjálfaðar og byggðar upp til gagnárása sem búist er við á næstu vikum. Berjast í miklu návígi Blaðamaður NYT heimsótti Bakhmut í vikunni og ræddi þar við hermenn og yfirmenn. Þar var ítrekað fyrir honum að markmiðið væri að halda Rússum uppteknum í aðdraganda væntanlegra gagnárása Úkraínumanna. „Þetta er virkilega erfið orrusta,“ sagði ofurstinn Pavlo Palisa. Hann stýrir því stórfylki sem heldur stærstum hluta víglínunnar í Bakhmut. „Við erum að hjálpa hersveitum okkar að vinna inn tíma, að safna skotfærum og vopnum og að undirbúa gagnsóknina.“ Hann tók einnig fram að hermenn í og nærri Bakhmut ættu við birgðaskort að stríða. Þá skorti meðal annars skotfæri fyrir stórskotalið og skriðdreka. „Fyrir mig sem yfirmann, er sársaukafullt að sjá hvernig við borgum fyrir skotfæraskortinn með lífi hermanna okkar“. Hér að neðan má sjá kort sem sýnir hvernig víglínan í Bakhmut hefur færst til á undanförnum vikum. Í fyrstu reyndu Rússar að sækja beint inn í bæinn en voru stöðvaðir. Þá reyndu þeir að umkringja bæinn í staðinn og komust nærri því. Þeir voru þó stöðvaðir þegar Úkraínumenn sendu liðsauka á svæðið. Nú hafa Rússar aftur byrjað að sækja fram í bænum sjálfum. This graphic by @nytimes shows the shifting frontlines in the city of Bakhmut from March 1 to April 1 to April 11 based on ISW and @criticalthreats data as well as satellite imagery by @Maxar.Full article: https://t.co/TGLKDMmIGH pic.twitter.com/hrtZMbVBBD— ISW (@TheStudyofWar) April 13, 2023 Hermennirnir sem rætt var við sögðu frá því að harðir bardagar hefðu átt sér stað innan borgarinnar og það í miklu návígi við Rússa. Stundum heyrðu þeir rússneska hermenn tala saman í nærliggjandi byggingum. Palisa rifjaði upp eitt atvik þar sem Rússar notuðu skriðdreka til að sprengja gat á vegg fjölbýlishúss sem Úkraínumenn héldu. Rússneskir hermenn streymdu svo inn um gatið og börðust um blokkina við Úkraínumenn herbergi fyrir herbergi. Úkraínumenn tóku þá ákvörðun að koma fyrir sprengjum í fjölbýlishúsinu, hlaupa út úr því og sprengja þær svo þar sem rússnesku hermennirnir voru enn inni. Rússneskir herbloggarar hafa skrifað um þessa taktík Úkraínumanna. Einn slíkur sagði að úkraínumenn hefðu laðað málaliða Wagner inn í byggingu og svo sprengt hana í loft upp. Several Russian sources talk about the Ukrainian tactic in Bakhmut where advancing chmobiks and convicts are lured into abandoned buildings which are then blown up. pic.twitter.com/ryOWnuvujr— Dmitri (@wartranslated) April 13, 2023
Úkraína Innrás Rússa í Úkraínu Rússland Hernaður Tengdar fréttir Herða lög um herkvaðningu fyrir gagnsókn Úkraínumanna Rússnesk stjórnvöld geta kvatt menn til herþjónustu rafrænt með frumvarpi sem er að verða að lögum áður en væntanleg gagnsókn Úkraínumanna hefst. Með þeim verður erfiðara fyrir menn að komast undan herþjónustu. Gagnrýnendur frumvarpsins segja skref í átt að „stafrænum fangabúðum“. 12. apríl 2023 17:39 Segir aftökumyndband sýna hið raunverulega Rússland Vólódímír Selenskí, forseti Úkraínu, segir að myndband sem sýnir rússneskan hermann skera höfuðið af úkraínskum hermanni í haldi Rússa, sé til marks um hvernig Rússland sé. Ódæðið muni aldrei gleymast og að Úkraínumenn þurfi aðstoð til að reka Rússa á brott. 12. apríl 2023 10:37 Kona handtekin vegna dráps á þekktum hernaðarbloggara Rússnesk yfirvöld segjast hafa handtekið unga konu í tengslum við dráp á þekktum hernaðarbloggara á kaffihúsi í Pétursborg um helgina. Upptökur frá kaffihúsinu sýna að kona afhenti bloggaranum styttu af honum sjálfum rétt áður en sprengja sprakk. 3. apríl 2023 10:06 Mest lesið Töluverður eldsvoði og þrír fluttir af vettvangi í sjúkrabíl Innlent Mjög alvarlegt tilfelli Innlent Tekur sér leyfi frá Alþingi til að fara í áfengismeðferð Innlent Segja slúbberta hjá hinu opinbera kosta ríkið 30 til 50 milljarða árlega Innlent Útburður manns úr Bríetartúni dreginn til baka Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Kynntu fyrirhugaðan Sæbrautarstokk Innlent Skera niður til að mæta launahækkunum Innlent Ráðist með hníf að ungmenni í Hafnarfirði Innlent Börnin fari út en liggi undir trampólíninu í símanum Innlent Fleiri fréttir Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Stefnir í baráttu á milli frjálslyndis og íhalds í Póllandi Árangur í viðræðum Bretlands við Evrópusambandið Ísraelsk stjórnvöld segjast ætla að hleypa hjálpargögnum á Gasa Spænska ríkissjónvarpið vill að símakosningin verði yfirfarin Nicusor Dan nýr forseti Rúmeníu Sjá meira
Herða lög um herkvaðningu fyrir gagnsókn Úkraínumanna Rússnesk stjórnvöld geta kvatt menn til herþjónustu rafrænt með frumvarpi sem er að verða að lögum áður en væntanleg gagnsókn Úkraínumanna hefst. Með þeim verður erfiðara fyrir menn að komast undan herþjónustu. Gagnrýnendur frumvarpsins segja skref í átt að „stafrænum fangabúðum“. 12. apríl 2023 17:39
Segir aftökumyndband sýna hið raunverulega Rússland Vólódímír Selenskí, forseti Úkraínu, segir að myndband sem sýnir rússneskan hermann skera höfuðið af úkraínskum hermanni í haldi Rússa, sé til marks um hvernig Rússland sé. Ódæðið muni aldrei gleymast og að Úkraínumenn þurfi aðstoð til að reka Rússa á brott. 12. apríl 2023 10:37
Kona handtekin vegna dráps á þekktum hernaðarbloggara Rússnesk yfirvöld segjast hafa handtekið unga konu í tengslum við dráp á þekktum hernaðarbloggara á kaffihúsi í Pétursborg um helgina. Upptökur frá kaffihúsinu sýna að kona afhenti bloggaranum styttu af honum sjálfum rétt áður en sprengja sprakk. 3. apríl 2023 10:06