Erlent

Fimm hand­teknir á Ind­landi grunaðir um mann­fórn

Hólmfríður Gísladóttir skrifar
Höfuðlaust lík konunnar fannst í musteri í Guwahati.
Höfuðlaust lík konunnar fannst í musteri í Guwahati. Getty/Anuwar Hazarika

Stjórnvöld á Indlandi hafa handtekið fimm menn sem eru grunaðir um að hafa myrt konu til að færa hana sem fórn. Lík konunnar fannst í musteri í borginni Guwahati árið 2019, höfuðlaust.

Að sögn lögreglu var Shanti Shaw, 64 ára, myrt og afhöfðuð með sveðju eftir að hafa heimsótt musterið.

Lögreglustjórinn Diganta Barah sagði í gær að mennirnir fimm hefðu lagt á ráðin um morðið en tólf átt aðild að því. Forsprakkinn, Pradeep Pathak, hefði skipulagt „fórnina“ á dánardegi bróður síns.

Samkvæmt gögnum yfirvalda á Indlandi hafa 103 mannfórnir verið skráðar frá 2014. Þær tengjast yfirleitt tilraunum til að friðþægja guði eða látna og eru algengari á strjálbýlum svæðum.

Á síðasta ári voru tveir menn handteknir fyrir að hafa myrt sex ára dreng í höfuðborginni Nýju-Delí. Mennirnir, sem báðir störfuðu í byggingariðnaði, sögðu barnið fórn til guðsins Shiva. Vonuðust þeir til þess að hún færði þeim ríkidæmi að launum.

Indland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið