Innlent

Geggjað að­halds­prógram dugi ekki til

Heimir Már Pétursson skrifar
Uppfærð fjármálaáætlun ríkisstjórnarinnar sem Bjarni Benediktsson fjármálaráðherra kynnti á miðvikudag er til umræðu á Alþingi í dag.
Uppfærð fjármálaáætlun ríkisstjórnarinnar sem Bjarni Benediktsson fjármálaráðherra kynnti á miðvikudag er til umræðu á Alþingi í dag. Vísir/Vilhelm

Þingmaður Viðreisnar segir fjármálaáætlun ríkisstjórnarinnar vera eins og geggjað aðhaldsprógram sem ekki eigi að hefjast fyrr en á næsta ári. Boðaðar aðgerðir skili engu í baráttunni við verðbólguna í dag. Þingmaður Framsóknarflokksins segir áætlunina hins vegar sýna svart á hvítu að ríkisstjórninni sé alvara í að ná verðbólgunni niður og verja um leið viðkvæmustu hópana.

Uppfærð fimm ára fjármálaáætlun ríkisstjórnarinnar til ársins 2018 er nú til umræðu á Alþingi. Áður en hún hófst sagði Guðmundur Ingi Kristinsson þingmaður Flokks fólksins í umræðum um störf þingsins og sagði að eftir langa bið skilaði áætlunin engu til þeirra sem lakast stæðu.

Guðmundur Ingi Kristinsson þingmaður Flokks fólksins segir ekkert gert fyrir þá sem verst standa í fjármálaáætluninni.Vísir/Vilhelm

„Ofsatrúarríkisstjórnin sem lifir í blindri trú um stjórnmálastefnu sína eins og hún sé einhver töfrabrögð er hættuleg fátæku fólki. Félagslega heft ofsatrú þeirra á eigið ágæti og þeirra útgáfu af sannleikanum um hækkanir lífeyrislauna er helber ímyndun af verstu gerð. Sem bitnar bara á þeim verst settu í formi vöntunar á mat og öðrum nauðsynjum,“ sagði Guðmundur Ingi.

Ríkisstjórnin ætlaði að setja smáaura í endurskoðun örorkulífeyriskerfisins árið 2025. En ríkisstjórnin áætlar að setja 15 milljarða aukalega í málaflokkinn við endurskoðun kerfisins.

Þorbjörg Sigríður Gunnlaugsdóttir segir ríkisstjórnina ýta öllum aðhaldsaðgerðum til framtíðarinnar.Vísir/Vilhelm

Þorbjörg Sigríður Gunnlaugsdóttir þingmaður Viðreisnar gagnrýndi fjármálaáætlunina úr annarri átt. Augljóst væri að fjármálaráðherra tæki til sín að markaðurinn hefði misst trú á því að Sjálfstæðisflokkurinn gæti náð verðbólgunni niður og stýrt efnahagsmálunum. Engar raunverulegar aðgerðir til hagræðingar væru í fjármálaáætluninni.

„Útgjaldapólitíkin er enn þá hin sama. Það er ekkert talað um að lækka svimandi háan vaxtakostnað íslenska ríkisins sem myndi hjálpa að ná niður verðbólgu,“ sagði Þorbjörg Sigríður. Lítið færi fyrir aðgerðum núna, þeim væri skotið á frest.

„Fjármálaáætlunin er eins og geggjað aðhaldsprógram sem byrjar 2024. Skilar þjóðinni kannski í kjólinn fyrir jólin 2028,“ sagði þingmaður Viðreisnar.

Líneik Anna Kristjánsdóttir þingmaður Framsóknarflokksins telur uppfærða fjármálaáætlun sýna að ríkisstjórnin ætli að taka á verðbólgunni.Vísir/Vilhelm

Stjórnarþingmaðurinn Líneik Anna Sævarsdóttir Framsóknarflokki sagði fjármálaáætlunina hins vegar innihalda fjölda aðgerða í baráttunni við verðbólguna. Til varnar þeim sem lakast stæðu í samfélaginu.

„Sem sýnir þá stefnu ríkisstjórnarinnar svart á hvítu að rétt sé að beita ríkisfjármálum meðmarkvissum hætti til að ná niður verðbólgu og koma í veg fyrir frekari hækkun vaxta. Með auknu aðhaldi, tekjuöflun og frestun framkvæmda,“ sagði Líneik Anna Sævarsdóttir.


Tengdar fréttir

Segir að­gerðirnar ekki duga

Framkvæmdastjóri Samtaka atvinnulífsins segir boðaðar aðgerðir ríkisstjórnarinnar til að vinna gegn verðbólgu ekki duga. Hann segir boðaðar skattahækkanir illa ígrundaðar. Þá lýsir stjórn Félags atvinnurekenda yfir vonbrigðum með að ekki eigi að lækka tolla.

Skattar á fyrir­tæki hækkaðir og sam­hæfingar­mið­stöð frestað

Skattur á fyrirtæki verður hækkaður tímabundið um eitt prósentustig á næsta ári og almenn sparnaðarkrafa á allar stofnanir nema heilbrigðisstofnanir og löggæslu verður hækkuð úr einu í tvö prósent í aðgerðum stjórnvalda til að vinna gegn verðbólgu. Ívilnunum vegna kaupa á vistvænum bifreiðum verður hætt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×