Innlent

Þrír fluttir á slysa­deild eftir að rúta valt á Ör­æfum

Bjarki Sigurðsson skrifar
Frá vettvangi í dag.
Frá vettvangi í dag. Aðsend

Rúta með tæplega þrjátíu farþegum valt í Öræfasveit í dag. Þrír voru fluttir með sjúkrabíl til Hafnar í Hornafirði og verða þaðan fluttir með sjúkraflugi til Reykjavíkur. Enginn þeirra slösuðu er með lífshættulega áverka.

Garðar Már Garðarsson, aðalvarðstjóri hjá lögreglunni á Suðurlandi, staðfestir þetta í samtali við fréttastofu. Hann segir að rútan hafi runnið til í hálku og þannig farið á hliðina. Tilkynning um slysið barst rétt fyrir klukkan ellefu í dag. 

„Það eru ekki alvarleg meiðsli en vegna eymsla voru þrír fluttir með sjúkrabíl til Hafnar og þaðan með sjúkraflugi til Reykjavíkur. Tveir sem eru fluttir liggjandi og einn sitjandi en ekki neitt lífshættulegt eða neitt slíkt. Einhver eymsli á höfði og baki,“ segir Garðar.

Sveitarfélagið Hornafjörður Lögreglumál Samgönguslys Sjúkraflutningar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið