Lífið

Arnar og Brynja selja mið­bæjar­perluna

Elma Rut Valtýsdóttir skrifar
Arnar Eyfells og Brynja Kúla hafa sett stórkostlega íbúð sína við Njarðargötu á sölu.
Arnar Eyfells og Brynja Kúla hafa sett stórkostlega íbúð sína við Njarðargötu á sölu. Samsett

Arnar Már Eyfells, eigandi Ketchup Creative, og Brynja Kúla Guðmundsdóttir, fyrirsæta og leikkona, hafa sett stórkostlega íbúð sína í miðbænum á sölu. Þessi litríka perla vakti mikla athygli í þáttunum Heimsókn nú á dögunum.

Um er að ræða einstaklega sjarmerandi íbúð við Njarðargötu í miðbæ Reykjavíkur. Íbúðin er rúmlega 92 fermetrar, á tveimur hæðum. Á neðri hæð er að finna forstofu, baðherbergi, stofu, sjónvarpsstofu, eldhús og borðstofu. Á efri hæð eru þrjú svefnherbergi, fataherbergi, opið rými auk geymslurýmis undir súð.

Húsið var byggt árið 1926 en Arnar og Brynja endurnýjuðu íbúðina að miklu leyti. Sindri Sindrason fór í heimsókn til Arnars og Brynju og kíkti á afraksturinn. Í þættinum sýndi Arnar meðal annars „best geymda leyndarmál íbúðarinnar“ - svalirnar. 

Ásett verð er 89,9 milljónir en fasteignamat íbúðarinnar er 62,2 milljónir.

Hér fyrir neðan má sjá myndir af íbúðinni en nánari upplýsingar er að finna á fasteignavef Vísis.

Íbúðin stendur í fjölbýli við Njarðargötu í Reykjavík.Fasteignaljósmyndun
Falleg aðkoma er að íbúðinni.Fasteignaljósmyndun
Eldhús og borðstofa eru samliggjandi.Fasteignaljósmyndun
Fallega innréttað eldhús.Fasteignaljósmyndun
Björt og falleg stofa.Fasteignaljósmyndun
Opið er á milli stofu og sjónvarpsstofu.Fasteignaljósmyndun
Smekklegt sjónvarpshol þar sem skrautmunirnir fá að njóta sín.Fasteignaljósmyndun
Fallegt og bjart baðherbergi þar sem hugsað hefur verið út í hvert einasta smáatriði.Fasteignaljósmyndun
Gyllti liturinn fær að njóta sín inn á baði.Fasteignaljósmyndun
Hjónaherbergið.Fasteignaljósmyndun
Einn af herbergjunum á efri hæðinni. Þetta fallega herbergi nýtist vel sem skrifstofa.Fasteignaljósmyndun
Litagleði í hverjum krók og kima.Fasteignaljósmyndun
Bjart og fallegt herbergi á efri hæð íbúðarinnar.Fasteignaljósmyndun
Skemmtileg nýting á rýminu.Fasteignaljósmyndun
Þessi stigi leiðir mann upp á einstakar svalir.Fasteignaljósmyndun
Fallegt útsýni af svölunum.Fasteignaljósmyndun

Hús og heimili Tíska og hönnun Reykjavík

Tengdar fréttir

Geggjuð íbúð og enn flottari svalir

Arnar Már Davíðsson, eigandi Ketchup sem er bæði framleiðslufyrirtæki og auglýsingastofa, tók fallega íbúð í gegn við Njálsgötu í miðborg Reykjavíkur ásamt unnustu sinni Brynju Kúlu Guðmundsdóttur.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.