Þessi hlutu FÍT verðlaunin 2023

Elma Rut Valtýsdóttir skrifar 17. mars 2023 21:31

Í kvöld fór fram verðlaunahátíð Félags íslenskra teiknara eða FÍT verðlaunin. Þetta var í 22. skipti sem verðlaunin eru veitt og voru 92 verkefni tilnefnd í 20 flokkum.

Tilgangur Félags íslenskra teiknara er að gæta hagsmuna teiknara á sviði grafískrar hönnunar, auglýsinga- og myndskreytinga. Hlutverk FÍT verðlaunanna er að veita því viðurkenningu sem skarar fram úr á Íslandi í grafískri hönnun og myndlýsingum.

Innsend verk eru dæmd út frá faglegum forsendum og tilnefningar aðeins veittar ef verk þykir vera framúrskarandi. Sömuleiðis er á valdi dómnefndar að ákveða hvort veittar séu viðurkenningar og hversu mörg verk hljóti tilnefningu í hverjum flokki.

Hér fyrir neðan má sjá lista yfir verðlaunahafa og verkefnin sem þóttu standa upp úr í hverjum flokki.

Stakar myndlýsingar

Silfurverðlaun

Abbababb! - Atli Sigursveinsson
Reykjavik Jazz - Arnar Ingi Viðarsson & Arnar Fells Gunnarsson

Gullverðlaun

Álfheimar 2: Risinn - Atli Sigursveinsson

Myndlýsingar fyrir auglýsingar og herferðir

Silfurverðlaun

Portable Electric - Þorleifur Gunnar Gíslason

Gullverðlaun

Meinlaust? - Elías Rúni

Sterk skilaboð herferðar endurspegluð í teikningum og litum. Tjáningarríkar teikningar með sterkri litanotkun, beitt og sker sig úr. Áberandi og virkar bæði vel í prenti og skjá.

Myndlýsingaröð

Silfurverðlaun

Bjössi - Þorvaldur Sævar Gunnarsson
Illustrated Relations of Iceland and Finland: 75 years and more - Lóa Hlín Hjálmtýsdóttir & Lotta Kaarina Nykänen

Gullverðlaun

Safnahúsið - Ari Hlynur Guðmundsson Yates

Skemmtilega teiknaður og hugmyndaríkur heimur. Margbrotið, hressilegt og nær til markhópsins. Sköpunargleðin skín í gegn, alveg út í minnstu smáatriði.

Veggspjöld

Silfurverðlaun

Landsbankinn × EM 2022 - Eysteinn Þórðarson
Godland / Volaða land - Daniel Imsland

Gullverðlaun

Rusl - Viktor Weisshappel Vilhjálmsson & Sóley Lee Tómasdóttir

Fallegt myndefni parað við forvitnilegt og fallegt letur sem virkar í fyrstu torlæsilegt og fangar augað. Nútímalegt og ferskt. Litaval og formbygging áhugaverð. Dregur fram hið ljóðræna úr hinu hversdagslega.

Bókakápur

Silfurverðlaun

Álfheimar 2: Risinn - Atli Sigursveinsson
JARÐSETNING - Snæfríð Jóhanna Þorsteins & Hildigunnur Gunnarsdóttir

Gullverðlaun

Svefngríman - Birna Geirfinnsdóttir & Arnar Freyr Guðmundsson

Kápan endurspeglar titil og innihald bókar á skapandi og óvæntan hátt. Ekki er allt gull sem glóir.

Bókahönnun

Silfurverðlaun

Ævarandi hreyfing / Perpetual Motion - Arnar Freyr Guðmundsson & Birna Geirfinnsdóttir
Farsótt - Arnar Ingi Viðarsson & Arnar Fells Gunnarsson

Gullverðlaun

Svefngríman - Birna Geirfinnsdóttir & Arnar Freyr Guðmundsson

Sterk hugmynd, heildræn og næm nálgun. Hugsað fyrir hverju smáatriði.

JARÐSETNING - Snæfríð Jóhanna Þorsteins & Hildigunnur Gunnarsdóttir

Viðfangsefni bókarinnar birtist mjög skýrt í allri umgjörð og hönnun. Vel hugað að öllum smáatriðum. Maður fær áþreifanlega tilfinningu fyrir viðfangsefninu. Efnis-, letur- og litaval endurspeglar viðfangsefni bókarinnar á mjög skýran hátt.

Upplýsingahönnun

Gullverðlaun

Umferðin.is - Atli Þór Árnason, Hörður Lárusson & Simon Viðarsson

Fyrst og fremst aðgengilegt og notendavænt. Vel hugað að öllum atriðum og vandlega leyst. Virkni og hönnun haldast vel í hendur.

Umhverfisgrafík

Silfurverðlaun

Hrekkjavökuhakkarinn - Sigríður Ása Júlíusdóttir, Guðmundur Heiðar Helgason & Emma Theodórsdóttir

Gullverðlaun

Hafnartorg: Gluggar - Alberto Farreras Muñoz

Falleg og ljóðræn stemmning. Lágstemmd umhverfisgrafík sem býr til útsýni í gluggalausu rými. Snjallur dúalismi skapar réttu stemninguna, á daginn og svo kvöldin. Styrkir rýmið á smekklegan hátt. Fær það til að rísa á daginn og færir það neðansjávar á kvöldin.

Stakar auglýsingar fyrir prentmiðla

Silfurverðlaun

Iceland Airwaves: Augmented reality - Gunnar Þór Arnarson, Silvía Pérez De Luis & Björn Daníel Svavarsson

Gullverðlaun

Finndu muninn - Agga Jónsdóttir

Vel leyst í alla staði. Falleg myndbygging, skemmtileg marglaga fyrirsögn og fágað yfirbragð. Hér hefur tekist vel til við að auglýsa vandmeðfarið efni á afar skapandi hátt.

Auglýsingaherferðir

Silfurverðlaun

Það má ekkert lengur - Rósa Hrund Kristjánsdóttir, Davíð Terrazas, Erla María Árnadóttir & Snædís Malmquist
Elskaðu þig. FyrirÞig. - Jón Ari Helgason, Dóra Haraldsdóttir, Jón Ingi Einarsson, Alexander Le Sage de Fontenay & Steinar Júlíusson
Það veltur margt á íslenskum sjávarútvegi - Hrafn Gunnarsson, Jón Ingi Einarsson, Jón Ari Helgason & Steinar Júlíusson

Gullverðlaun

Finndu muninn - Agga Jónsdóttir, Margrét Ósk Hildur Hallgrímsdóttir & Anton Kaldal Ágústsson

Vel leyst og óhefðbundnir miðlar notaðir. Normalisering á vandmeðfarinni vöru. Virðisaukandi, minnkar fordóma og finnur leið framhjá hindrunum og ritskoðun fjölmiðla.

Umbúðir og pakkningar

Gullverðlaun

Umbúðir fyrir nýtt kort indó - Jón Páll Halldórsson

Óhefðbundnar og skemmtilegar umbúðir fyrir annars frekar hversdagslegan hlut. Nýstárleg leið til að afhenda vöruna á hressandi hátt.

Venja - Agga Jónsdóttir

Litríkar og viðeigandi fyrir vöruna en um leið notendavænt. Þjónar vörunni á framúrskarandi hátt. Týpógrafían og grafíkin færir skemmtilegan og litríkan blæ yfir viðfangsefnið. Kraftmikill búningur. Flott stakt og einnig sem heildarlína.

Geisladiskar og plötur

Silfurverðlaun

While We Wait - Aron Freyr Heimisson
Models of Duration - Viðar Logi & John McCowen

Gullverðlaun

Owls - Viktor Weisshappel Vilhjálmsson

Lágstemmt en mjög vandað handverk með djúpt næmi fyrir tónlistinni sjálfri. Hver og ein plata er einstök.

Firmamerki

Silfurverðlaun

Kramber - Þorgeir K. Blöndal

Gullverðlaun

Rusl - Viktor Weisshappel Vilhjálmsson & Sóley Lee Tómasdóttir

Frumlegt merki sem kristallar boðskap hátíðarinnar. Lífræn leikgleði sem er vel útfærð. Taumlaust og torlæsilegt sem er um leið styrkur þess. Sækir á jaðarinn en um leið aðgengilegt. Endurspeglar viðfangsefnið.

Menningar- og viðburðamörkun

Silfurverðlaun

Rusl - Viktor Weisshappel Vilhjálmsson & Sóley Lee Tómasdóttir

Mörkun fyrirtækja

Silfurverðlaun

Seven Glaciers - Þorleifur Gunnar Gíslason, Arnar Halldórsson & Eva Árnadóttir
Portable Electric- Þorleifur Gunnar Gíslason, Þorgeir K. Blöndal & Arnar Halldórsson

Hreyfigrafík

Silfurverðlaun

The One Show - Arnar Ingi Viðarsson & Arnar Fells Gunnarsson
Straumurinn er í Öskju - Íris Martensdóttir, Máni Sigfússon & Jón Ari Helgason

Gullverðlaun

Sinfónían springur út - Sigurður Ýmir Kristjánsson, Viktor Weisshappel Vilhjálmsson, Hólmfríður Benediktsdóttir & Guðni Þór Ólafsson

Efni sem virkar fram í tímann og gefur góð fyrirheit um árstíðirnar fjórar. Hreyfingarnar endurspegla viðfangsefnið, sérstaklega með tónlistina undir. Sterk tenging við sinfóníu í litum og allri heildinni. Sterkt verk eftir heimsfaraldurinn, myrkrið hörfar og lífið sprettur fram. Jákvæð hughrif.

Vefsvæði

Silfurverðlaun

Umferðin.is - Atli Þór Árnason, Hörður Lárusson & Simon Viðarsson
Abler - Steinar Ingi Farestveit & Tinna Hallsdóttir

Gullverðlaun

Listasafn Íslands - Steinar Ingi Farestveit & Júlía Runólfs

Frumlegur og líflegur vefur sem leyfir listaverkunum að njóta sín á sama tíma. Snyrtileg útfærsla. Líflegur á minimalískan hátt. Mikill karakter, vandaður og vel útfærður.