Sól­veig hlakkar til að berjast á­fram með Ragnari

Ragnar Þór Ingólfsson var í dag endurkjörinn formaður VR. Ragnar hlaut 57 prósent atkvæða í kosningunni em mótframbjóðandi hans, Elva Hrönn Hjartardóttir, starfsmaður VR, hlaut 39,4 prósent. Þáttaka í kosningunni var rétt rúmlega 30 prósent.

Sólveig Anna Jónsdóttir, formaður Eflingar, er ánægð með niðurstöðuna en hún óskar Ragnari til hamingju með hana í færslu sem hún birtir á Facebook síðu sinni.

„Algjörlega frábærar fréttir! Ég og félagar mínir hlökkum til að berjast með þér fyrir réttlátara og betra samfélagi,“ segir Sólveig í færslunni. Þá birtir hún mynd af sér og Ragnari þar sem þau standa skælbrosandi og snúa bökum saman.