Rannsaka fall Kísildalsbankans

Kjartan Kjartansson skrifar 14. mars 2023 18:47

Silicon Valley Bank í Kaliforníu lánaði meðal annars tækni- og sprotafyrirtækjum. Yfirvöld tóku hann yfir í skugga áhlaups í síðustu viku. AP/Jeff Chiu

Bandaríska dómsmálaráðuneytið rannsakar nú fall Silicon Valley Bank og gjörðir æðstu stjórnenda hans. Yfirvöld tóku bankann yfir eftir að áhlaup var gert á hann í síðustu viku. Gjaldþrot bankans er það næststærsta í sögu Bandaríkjanna.

Fjármálafyrirtæki réttu úr kútnum á hlutabréfamörkuðum í dag eftir dýfu sem þau tóku í kjölfar falls SVB á föstudag og Signature Bank, minni banka í New Jersey, um helgina. Fall bankanna hefur verið tengt við nýlegar tilslakanir á reglum um fjármálastofnanir af þeirra stærð og þeir hafi farið flatt á viðskiptum með skuldabréf vegna síhækkandi vaxta.

Washington Post hefur nú eftir heimildarmönnum sínum að sakamálarannsókn sé hafin á falli SVB hjá bandaríska dómsmálaráðuneytinu. Sú rannsókn sé þó eðli málsins samkvæmt á frumstigum.

Verðbréfaeftirlit Bandaríkjanna (SEC) lýsti því yfir strax um helgina að það ætlaði að fara ofan í saumana á því sem gekk á hjá bönkunum tveimur og bandaríski seðlabankinn sömuleiðis.

Fram hefur komið að sjóður í eigu Gregs Becker, forstjóra SVB, hafi selt hlutabréf í bankanum fyrir 3,6 milljónir dollara, jafnvirði um 506 milljóna íslenskra króna, á sama tíma og gengi hans féll seint í febrúar. Becker var á meðal fjölda háttsettra bankamanna sem þrýstu á Bandaríkjaþing að slaka á reglum um fjármálastofnanir sem voru settar eftir bankahrunið árið 2018.

Hópmálsókn gegn móðurfélagi SVB, forstjóra og fjármálastjóra er nú í undirbúningi. Forsenda þess er að félagið hafi ekki gert fjárfestum grein fyrir hættunni sem vaxtahækkanir hefðu á rekstur bankans.

Fjármálamarkaðir Bandaríkin

Tengdar fréttir

Regluverkið virkaði ekki og vaxtastefnan gerði banka „háða“ lágum vöxtum

Gjaldþrot Silicon Valley Bank (SVB) sýnir að sú stefna sem fjármálayfirvöld hafa rekið í einn og hálfan áratug var röng. Regluverkið virkaði ekki og vaxtastefnan gerði banka „háða“ lágum vöxtum. Fleiri bankar glími við samskonar vanda og SVB en það stefnir þó ekki í aðra bankakrísu, segir Jón Daníelsson, prófessor í hagfræði við London School of Economics.

14. mars 2023 15:00

Bréf í bönkum taka dýfu

Hlutabréf í bönkum hafa fallið talsvert í Asíu og í Evrópu þrátt fyrir staðhæfingar Bandaríkjaforseta um að bandaríska fjármálakerfið sé öruggt þrátt fyrir fall tveggja banka á örfáum dögum.

14. mars 2023 07:16

Bréf í bönkum taka dýfu

14. mars 2023 07:16

Öðrum banka lokað en innistæður að fullu tryggðar

Etirlitsaðilar í New York ríki Bandaríkjanna hafa tekið yfir bankann Signature Bank, sem kominn var í sambærileg vandræði og SVB-bankinn sem lokað var fyrir helgi. Innistæður allra innistæðueiganda verða að fullu tryggðar svo tryggja megi trú á bandaríska bankakerfið. Bankarnir voru umsvifamiklir á rafmyntamarkaði.

13. mars 2023 08:49

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.