Átján vilja verða dagskrárstjóri Rásar 1

Bjarki Sigurðsson skrifar 2. mars 2023 10:03

Matthías Tryggvi Haraldsson, Þorsteinn J. Vilhjálmsson og Lára Ómarsdóttir eru meðal umsækjenda. Vísir/Vilhelm

Átján sóttu um að verða næsti dagskrárstjóri Rásar 1. Þröstur Helgason sagði upp störfum í byrjun febrúar en hann hafði gegnt starfinu í nærri níu ár.

Meðal umsækjenda eru systkinin Lára Ómarsdóttir og Þorfinnur Ómarsson. Lára hætti nýlega sem samskiptastjóri hjá fjárfestingafyrirtækinu Aztiq en þar hafði hún verið í tvö ár. Áður en hún starfaði hjá Astiq var hún fréttamaður og dagskrárgerðarkona, lengst af hjá RÚV.

María Björk Ingvadóttir, fyrrverandi framkvæmdastjóri N4, sækir um stöðuna en N4 óskaði nýlega eftir gjaldþrotaskiptum.

Fleiri reynsluboltar úr heimi fjölmiðla eru meðal umsækjenda, Fanney Birna Jónsdóttir sem stýrði Silfrinu um nokkurt skeið, Gunnhildur Arna Gunnarsdóttir, fyrrverandi blaðamaður hjá Fréttablaðinu, RÚV, Morgunblaðinu og fleiri miðlum, og Þorsteinn J. Vilhjálmsson sem var um árabil í sjónvarpi, bæði sem fréttamaður og þáttastjórnandi.

Umsækjendur eru eftirfarandi:

Ásgrímur Geir Logason – Leikari og leikstjóri

Fanney Birna Jónsdóttir – Lögfræðingur og blaðamaður

Guðni Tómasson – Dagskrárgerðarmaður og framleiðandi

Gunnar Karel Másson – Tónskáld

Gunnhildur Arna Gunnarsdóttir – Blaðamaður

Hjálmar Hjálmarsson – Framleiðandi og leikari

Jón Hjörtur Sigurðarson – Vefsíðugerð og netmarkaðssetning

Júlía Margrét Einarsdóttir – Verkefnastjóri vefútgáfu og dagskrárgerðarkona

Lára Magnúsdóttir – Sagnfræðingur og rithöfundur

Lára Ómarsdóttir – Fv. samskiptastjóri

Magnús Lyngdal Magnússon – Sérfræðingur

María Björk Ingvadóttir – Fv. framkvæmdastjóri

Matthías Tryggvi Haraldsson – Texta- og hugmyndasmiður

Óli Valur Pétursson – Fjölmiðla- og boðskiptafræðingur

Þorfinnur Ómarsson – Upplýsinga- og samskiptastjóri

Þorsteinn J. Vilhjálmsson – Blaðamaður, dagskrárgerðarmaður og ritstjóri.

Fjölmiðlar Ríkisútvarpið Vistaskipti

Tengdar fréttir

Þröstur Helgason hættir sem dagskrárstjóri Rásar 1

Þröstur Helgason hættir sem dagskrárstjóri Rásar 1 næstu mánaðamót. Ríkisútvarpið greinir frá þessu og vísar til fundar Þrastar með starfsmönnum rásarinnar í morgun.

3. febrúar 2023 11:59

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir