Innlent

Neyðast til að fresta þingveislu vegna verkfallsins

Máni Snær Þorláksson skrifar
Þingmennirnir neyðast til að finna sér eitthvað annað að gera á föstudaginn.
Þingmennirnir neyðast til að finna sér eitthvað annað að gera á föstudaginn. Vísir/Vilhelm

Halda átti þingveislu á Grand hótel næstkomandi föstudag. Vegna yfirstandandi verkfalls hótelstarfsfólks í Eflingu var tekin sú ákvörðun að fresta veislunni.

Um er að ræða veislu fyrir þingmenn, varaþingmenn sem tóku sæti á Alþingi á yfirstandandi þingári, og maka þeirra. 

Ragna Árnadóttir, skrifstofustjóri Alþingis, staðfestir í samtali við fréttastofu að veislunni hafi verið frestað. Hún segir að ekki hafi verið hægt að halda veislu sem þessa á meðan á verkfallinu stendur. Því hafi verið tekin sú ákvörðun að fresta veislunni fram í maí.

Það hefur gengið nokkuð erfiðlega að halda þessa árlegu þingveislu á síðustu árum. Árið 2019 var henni einnig frestað vegna verkfalls. Þá var veislunni frestað vegna Covid-19 árið 2020 og 2021.

Alþingi Kjaraviðræður 2022-23 Kjaramál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið