Hand­teknir með mikið magn lyf­seðils­skyldra lyfja

Tveir voru handteknir grunaðir um sölu og dreifingu fíkniefna og lyfja. Voru þeir með umtalsvert magn lyfseðilsskyldra lyfja í fórum sínum auk meintra fíkniefna. Annar þeirra er einnig grunaður um akstur undir áhrifum vímuefna. Þá ku annar þeirra að hafa verið eftirlýstur vegna annarra mála.

Lögregla handtók einnig einstakling sem var að versla fíkniefni og reyndist hann við athugun vera með meira magn á sér en hann hafði keypt skömmu áður. Einn var handtekinn vegna gruns um þjófnað í verslun og reyndist vera með vopn á sér.

Þá segir í yfirliti frá lögreglu yfir verkefni gærkvöldsins og næturinnar að einstaklingur hafi verið handtekinn vegna gruns um líkamsárás og frelsissviptingu og var hann vistaður í fangageymslu vegna rannsóknar málsins.