Erlent

Tíu létust í snjó­flóðum í Ölpunum

Bjarki Sigurðsson skrifar
Mynd úr Ölpunum. Fyrir miðju og til hægri má sjá snjóflóðavarnargarða.
Mynd úr Ölpunum. Fyrir miðju og til hægri má sjá snjóflóðavarnargarða. Getty/Karl-Josef Hildenbrand

Tíu manns létu lífið um helgina í snjóflóðum á ýmsum stöðum, bæði í austurríska og svissneska hluta Alpafjallanna. Meirihluti þeirra látnu voru erlendir ferðamenn. 

Að fara á skíði í Ölpunum er með betri vetrarskemmtunum að mati margra og ferðast milljónir ferðamanna þangað ár hvert til að renna sér niður brekkur fjallgarðsins. 

BBC greinir frá því að um helgina hafi tíu manns látið lífið í snjóflóðum í fjöllunum þrátt fyrir að austurrísk yfirvöld hafi varað við aukinni snjóflóðahættu.

Fimm létust í dag í Týról-héraði í Austurríki, þar á meðal einn sem fannst látinn í Sankt Anton am Arlberg og annar fannst látinn í kringum topp Hohe Aifner. 

Í gær fundust þrír ferðamenn látnir sem voru að skíða utanbrautar, sautján ára unglingur frá Nýja-Sjálandi, 32 ára einstaklingur frá Kína og þýskur karlmaður á fimmtugsaldri. 

Í Sviss létust tvö er þau urðu fyrir snjóflóði í Graubuenden en með þeim var þriðji einstaklingurinn. Sá slapp heill á húfi. 

Sviss Austurríki Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið