Á fimmtudaginn næsta munu knapar tefla fram sínum allra bestu hestum í fjórgangi en í fyrra voru það Sigurður Sigurðarson og Leikur frá Vesturkoti sem stóðu uppi sem sigurvegarar og verður spennandi að sjá hvort þeir mæti aftur til leiks til að verja titilinn.

Í Meistaradeild Líflands eru 8 lið sem tefla fram 3 knöpum af 5 á hverju keppniskvöldi, keppnirnar eru 8 talsins og er ávallt mikil barátta í bæði einstaklings- og liðakeppni. Í fyrra var það lið Top Reiter sem sigraði liðakeppnina og knapi þeirra Árni Björn Pálsson sem sigraði einnig einstaklingskeppnina, eftir harða baráttu fram á síðasta mót.

Keppnin er ein sú allra vinsælasta meðal hestamanna, keppnin er send út um allan heim í beinni útsendingu og á þremur tungumálum, íslensku, ensku og þýsku. Af gefinni reynslu síðustu ára þá fylgjast 5 – 15 þúsund áhorfendur með hverju keppniskvöldi.

Öll keppniskvöld Meistaradeildar Líflands verða aðgengileg á streymisveitu Alendis TV og einnig verður boðið upp á ýmis konar aukaefni tengd deildinni, hægt verður að kaupa áskrift hér. Kaupendur fá þá aðgang að öllu því efni sem Alendis TV hefur tekið upp og sýnt síðustu árin.

Gaman er að segja frá því að Íslensk Verðbréf munu bjóða öllum þeim sem vilja mæta í HorseDay höllina 26. janúar frítt inn, mælt er með að áhorfendur mæti tímanlega til að fá góð sæti.

Í vetur verður lögð mikil áhersla á að taka vel á móti gestum í HorseDay höllinni og boðið verður upp á gott og fjölbreytt úrval af veitingum, fyrir keppni og í hléi.

Dagskrá vetrarins: