Erlent

„Skelfi­legasti stormur í sögu ríkisins“

Viktor Örn Ásgeirsson skrifar
Ríkisstjóri segir ástandið skelfilegt.
Ríkisstjóri segir ástandið skelfilegt. Getty/Normile

Ríkisstjóri New York ríkis í Bandaríkjunum segir óveðrið sem nú geisar hið hræðilegasta í manna minnum. Minnst 37 eru látnir og fjölmargir eru án hita og rafmagns.

Snjór nær víðsvegar upp að mitti í vesturhluta New York. Veðrið í borginni Buffaló hefur verið mjög slæmt og hundruðir björgunarsveitarmanna, hermenn og lögreglumenn hafa verið að störfum. Ríkisstjóri segir ástandið svo slæmt að björgunarsveitarmenn séu farnir að bjarga kollegum sínum.

„Þetta er skelfilegasti stormur í sögu ríkisins. Þetta lífshættulega og mannskæða ástand stendur enn yfir. Starfsmenn vegagerða hafa linnulaust mokað og sett sig í hættulegar aðstæður,“ sagði Kathy Hochul ríkisstjóri New York. Hún ítrekaði að akstursbann væri í gildi í Erie-sýslu og bað ökumenn að virða lokanir.

Ökumenn hafa fundist látnir í bílum sínum eftir að hafa fest sig á vegum. Fjölmargir íbúar í ríkinu hafa setið fastir í á þriðja sólarhring í fimbulkulda. Rafmagnslaust er víða og hiti af skornum skammti. Fólk hefur fundist látið í snjósköflum en meirihluti dauðsfalla hafa verið bílslys. CNN greinir frá.

Bandaríkin Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið