Innlent

Verð­launuðu Ferða­mála­stofu fyrir gott að­gengi í ferða­þjónustu

Kjartan Kjartansson skrifar
Eliza Reid, forsetafrú, afhenti Áslaugu Briem frá Ferðamálastofu hvatningarverðlaun ÖBÍ í dag.
Eliza Reid, forsetafrú, afhenti Áslaugu Briem frá Ferðamálastofu hvatningarverðlaun ÖBÍ í dag. ÖBÍ

Ferðamálastofa hlaut hvatningarverðlaun ÖBÍ réttindasamtaka í tilefni af alþjóðlegum degi fatlaðs fólks. Verðlaunin voru veitt fyrir verkefni um aðgengi fatlaðs fólks í ferðaþjónustu.

Hvatningarverðlaunin voru veitt á Grand hóteli í Reykjavík í dag. Í tilkynningu frá ÖBÍ kemur fram að verkefnið „Gott aðgengi í ferðaþjónustu“ ýti undir þátttöku, sjálfstæði og jafnrétti fatlaðs fólks og stuðli að einu samfélagi fyrir alla.

Ferðamálastofa hafi með því stuðlað að nýrri nálgun og hugsunarhætti í ferðaþjónustu á landsvísu. Hún hafi haft frumkvæði að því að leiða saman ólíka aðila til samstarfs og tryggja þannig gæði verkefnisins.

„Gott aðgengi fyrir fatlað fólk leiðir af sér betra aðgengi fyrir alla. Aðgengi fyrir alla að ferðaþjónustu er mannréttindamál og ætti að vera hluti af ábyrgri starfsemi allra fyrirtækja,“ segir í tilkynningu ÖBÍ.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×