New York og Singapore dýrustu borgir heims

Gunnar Reynir Valþórsson skrifar 2. desember 2022 07:41

Stórborgin New York trónir á toppi listans í fyrsta sinn. Getty Images

Framfærslukostnaður í helstu borgum heims hefur hækkað um 8,1 prósent á milli ára að meðaltali ef marka má nýja könnun Economist Intelligence Unit sem árlega birtir lista yfir framfærslukostnað í 172 borgum víðsvegar um heiminn.

New York í Bandaríkjunum er orðin dýrasta borg í heimi í fyrsta sinn, en hún deilir fyrsta sætinu með Singapore, sem reglulega hefur verið efst á listanum síðustu árin. Tel Aviv í Ísrael var dýrust í fyrra en er nú komin niður í þriðja sætið.

Reykjavík kemst hinsvegar ekki á blað sem ein af dýrustu borgum heims þetta árið. Stríðið í Úkraínu og vandræði með aðfangakeðjur heimsins er sagðar ástæður þess að kostnaður hefur hækkað svo mjög á milli ára en mesta hækkunin er á bensíni sem hefur hækkað um 22 prósent að meðaltali í borgunum sem um ræðir. Næstar á listanum koma borgirnar Hong Kong, Los Angeles og Zurich.

Neðst á listanum eru hinsvegar borgir á stríðshrjáðum svæðum, Damaskus í Sýrlandi er ódýrust en síðan koma Trípólí í Líbíu og Teheran í Íran.

Bandaríkin Singapúr

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.