Erlent

Squid Game leikari sakaður um að káfa á konu

Samúel Karl Ólason skrifar
O vann meðal annars Golden Globe verðlaun fyrir leik sinn í Squid Game.
O vann meðal annars Golden Globe verðlaun fyrir leik sinn í Squid Game.

Hinn 78 ára gamli O Yeong-su hefur verið ákærður fyrir að kynferðisbrot. Leikarinn sem sló í gegn í þáttunum Squid Game er sakaður um að hafa káfað á konu árið 2017 en hann neitar ásökunum.

Konan sem sakað hefur O um að hafa káfað á sér kærði hann fyrst í desember í fyrra. Málinu var þó lokað í apríl en saksóknarar opnuðu það á nýjan leik að beiðni hins meinta fórnarlambs, samkvæmt Yonhap fréttaveitunni.

O hefur ekki verið handtekinn og eins og áður segir hefur hann neitað þessum ásökunum.

Sky segir að menningarráðuneyti Suður-Kóreu hafi tekið auglýsingar sem O lék í úr birtingu eftir að ákæran var opinberuð.

Squid Game eru vinsælustu þættirnir sem sýndir hafa verið á Netflix. Í Squid Game eru 456 skuldsettar og örvæntingarfullar manneskjur fengnar til að taka þátt í leik þar sem þær geta unnið gífurlegt magn peninga. Fólkið er látið spila þekkta barnaleiki í Suður-Kóreu þar sem tap þýðir grimmilegur dauði.

Sjá einnig: Barnaleikir eru dauðans alvara

O vann meðal annars Golden Globe verðlaun fyrir leik sinn í Squid Game.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.