Innlent

Kári um íslenskuna: „Mér þykir vænt um hana en ég hef ekki áhyggjur af henni“

Snorri Másson skrifar

Kári Stefánsson, forstjóri Íslenskrar erfðagreiningar, var til viðtals í Íslandi í dag á degi íslenskrar tungu, en enn á þessu stigi eru landsmenn staddir í því sem nú er orðið vika íslenskrar tungu.

Helst var Kári kominn til að leggja mat á nýja rannsókn á sáðfrumum karla og þýðingu hennar fyrir horfur mannkynsins, en vikið var að stöðu íslenskunnar, sem margir hafa áhyggjur af nú um mundir.

Kári Stefánsson forstjóri Íslenskrar erfðagreiningar var til viðtals í Íslandi í dag.Vísir/Vilhelm

Kári blæs á áhyggjurnar af tungumálinu: „Mér þykir vænt um hana, en ég hef engar áhyggjur af henni.“ Svo einfalt var það og Kári sagðist telja að það yrði í lagi með tungumálið þegar fram í sækir.

Meira um málið í þættinum hér að ofan, þar sem farið var um víðan völl; manntöl til forna, enska í hlaðvörpum, yfirgengilegar skammstafanir unga fólksins og auðvitað sala ríkisins á hlut í Íslandsbanka.

Íslensk fræði Íslensk tunga Ísland í dag
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið