Lífið

Twerkoholic-rapparinn B. Smyth er látinn

Atli Ísleifsson skrifar
B. Smyth gaf út sitt frægasta lag, Twerkoholic, árið 2014.
B. Smyth gaf út sitt frægasta lag, Twerkoholic, árið 2014. B. Smyth

Bandaríski rapparinn B. Smyth, sem þekktastur er fyrir lag sitt Twerkoholic frá árinu 2014, er látinn, 28 ára að aldri.

Bróðir hans, Denzel, greinir frá andlátinu á opinberri Instagram-síðu B. Smyth þar sem hann segir bróður sinn hafa látist af völdum öndunarsjúkdóms sem hafi orsakast af bandvefsmyndun í lungum.

Denzel sagði bróður sinn hafa óskað eftir því að hann myndi þakka aðdáendum fyrir ást og stuðning í gegnum árin.

Twerkoholic naut mikilla vinsælda á sínum tíma og hefur laginu verið streymt um þrettán milljón sinnum á Spotify.

B. Smyth hét Brandon Smith réttu nafni og aflaði sér vinsælda á YouTube þar sem hann birti tónlist sína. Hann gaf út sitt fyrsta lag, Leggo, árið 2012 með 2 Chainz og náði lagið tólfta sætið á Billboard-listanum. Hann gaf út lagið Twerkoholic Part 2 í síðasta mánuði.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.