Íslenski boltinn

Víkingar hafa sjö sinnum misst frá sér sigurinn í síðustu þrettán leikjum

Óskar Ófeigur Jónsson skrifar
Danijel Dejan Djuric og félagar í Víkingum hafa misst frá sér mörg stig að undanförnu á lokamínútum leikjanna.
Danijel Dejan Djuric og félagar í Víkingum hafa misst frá sér mörg stig að undanförnu á lokamínútum leikjanna. Vísir/Hulda Margrét

Víkingar misstu enn á ný forystuna í lokin þegar þeir gerðu 2-2 jafntefli við KR í lokaleik næstsíðustu umferðar Bestu deildar karla í fótbolta í ár.

Fyrir vikið þá eru Víkingar í þriðja sæti deildarinnar og þremur stigum á eftir KA sem er í öðru sæti þegar aðeins ein umferð er eftir.

Víkingar voru 2-1 yfir á móti Vesturbæingum í gær þegar tólf mínútur voru eftir af leiknum en Atli Sigurjónsson tryggði KR-ingum jafnteflið.

Þetta er sjöundi leikur Víkingsliðsins þar sem liðið missir niður forystuna í síðustu þrettán umferðum.

Í þessum sjö leikjum hafa Víkingar misst frá sér samtals fimmtán stig en þeir eru nú tólf stigum á eftir Íslandsmeisturum Breiðabliks.

Víkingar hafa sjálfir náð að ná að vinna upp mun í þremur leikjum á þessum sama tíma, einu sinni jöfnuðu þeir leikinn en tvisvar náðu þeir að snúa tapi í sigur.

  • Leikir sem Víkingar hafa misst frá sér sigur í síðustu þrettán leikjum:
  • 2-1 yfir á móti Stjörnunni 30. júlí - jafntefli
  • 3-2 yfir á móti Fram 7. ágúst - jafntefli
  • 2-0 yfir á móti Val 22. ágúst - jafntefli
  • 2-0 yfir á móti KR 17. september - jafntefli
  • 1-0 yfir á móti Stjörnunni 10. október - tap
  • 2-1 yfir á móti KA 15. október - jafntefli
  • 2-1 yfir á móti KR 24. október - jafntefli
  • ---
  • Jöfnunarmörk mótherja Víkings í þessum leikjum:
  • 86. mínúta á móti Stjörnunni 30. júlí
  • 87. mínúta á móti Fram 7. ágúst
  • 57. mínúta á móti Val 22. ágúst
  • 90. mínúta á móti KR 17. september
  • 63. mínúta á móti Stjörnunni 10. október (Sigurmark á 71. mínútu)
  • 90. mínúta á móti KA 15. október
  • 79. mínúta á móti KR 24. október



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.