Viðskipti erlent

Ilse Jacobsen er látin

Atli Ísleifsson skrifar
Ilse Jacobsen stofnaði fyrirtæki sitt í Hornbæk á norðurhluta Sjálands árið 1993.
Ilse Jacobsen stofnaði fyrirtæki sitt í Hornbæk á norðurhluta Sjálands árið 1993. IlseJacobsen.dk

Danski fatahönnuðurinn Ilse Rohde Jacobsen, sem meðal annars þekkt er fyrir hönnun á regnkápum, stigvélum, kjólum og öðrum fatnaði, er látin 62 ára að aldri.

Greint er frá andlátinu í tilkynningu frá félaginu IJH A/S í morgun. „Það er með mikilli sorg sem við tilkynnum að Ilse Rohde Jacobsen hefur tapað baráttu sinni við krabbamein.“

Hönnun Ilse Jacobsen.Ilse Jacobsen

Í frétt DR segir að Jacobsen hafi andast á sjúkrahúsi í gær en hún hafði verið í krabbameinsmeðferð síðan í ágúst á síðasta ári.

Vörur Jacobsen hafa verið seldar í miklu magni bæði í Danmörku, sem og á alþjóðlegum vettvangi, en hún stýrði bæði félögunum IJH A/S og Blomsten by Ilse Jacobsen. 

Hún stofnaði fyrirtæki sitt í Hornbæk á norðurhluta Sjálands árið 1993 og átti félagið eftir að vaxa og dafna á næstu árum. Vörur hennar eru nú seldar í rúmlega þrjátíu löndum.

Ilse Jacobsen verslanir eru að finna hér á landi bæði í Kringlunni og á Garðatorgi.

Andlát Danmörk Verslun Tíska og hönnun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið