Mærsk stýrir hjá átakasvæðinu

Þar er einnig greint frá því að ákvörðunin sé tekin með öryggi að leiðarljósi: „Öryggi áhafna okkar, skipa og farms viðskiptavina er áfram í forgangi hjá okkur“. 

Á katarska fréttamiðlinum Al Jazeera kemur fram að íranski byltingarvörðurinn hafi tilkynnt um lokun sundsins í gær. Þeir segja þar frá því að engum skipum verði hleypt í gegn. 

Þrátt fyrir að vera mjótt rúmar sundið stærstu olíuflutningaskip heims. Helstu olíu- og gasútflytjendur í Mið-Austurlöndum reiða sig á það til að flytja birgðir á alþjóðamarkaði á meðan innflutningsþjóðir treysta á óslitinn rekstur þess.

Á danska fréttamiðlinum DR er haft eftir Tine Choi Danielssen, aðalstefnumótunarsérfræðing hjá danska viðskiptalífeyrisjóðnum PFA, að vaxandi órói á svæðinu muni líklega valda því að olíuverð hækki á morgun.

„Þegar markaðir lokuðu á föstudag kostaði olíutunnan sjötíu og þrjá dali, en búist er við að verðið á tunnuna fari yfir áttatíu dali – og það er ekki óraunhæft að það fari yfir hundrað,“ segir Tine.

Fréttin hefur verið uppfærð.