Netflix kaupir gervigreindarfyrirtæki Affleck

Ekki liggur fyrir hversu mikið Netflix greiddi fyrir fyrirtækið samkvæmt Reuters sem greinir frá. Affleck stofnaði fyrirtækið árið 2022 sem bjó til gervigreindarlíkan sem er þjálfað til að skilja bæði sjónræna rökfræði og ristjórnarlegt samræmi. 

„Við byggðum einnig inn takmarkanir til að vernda skapandi hugsun, þannig að verkfærin eru hönnuð til að sjá um ábyrgar rannsóknir á meðan skapandi ákvarðanir eru áfram í höndum listamanna,“ sagði Affleck.

Hann mun ganga í raðir Netflix sem yfirráðgjafi.

Kvikmyndabransinn hefur sýnt gervigreind mikinn áhuga en tekið er fram í umfjöllun Reuters að Disney hygðist veita OpenAI leyfi til að nota persónur úr Star Wars, Pixar og Marvel í gervigreindarmyndbandsgerð.

„Við teljum að ný verkfæri eigi að auka skapandi frelsi, ekki takmarka það eða koma í stað vinnu handritshöfunda, leikstjóra, leikara og tökuliðs,“ sagði Bela Bajaria, yfirmaður efnisdeildar Netflix.