Til skoðunar að taka ofbeldi ungmenna fyrir innan velferðarnefndar

Fanndís Birna Logadóttir skrifar 16. október 2022 13:01

Að minnsta kosti einn var fluttur á bráðamóttöku með höfuðáverka eftir árásina í gær. Vísir/Vilhelm

Einn var fluttur á bráðamóttöku með höfuðáverka eftir að þrír fjórtán ára drengir réðust á fólk af handahófi á að minnsta kosti þremur stöðum í miðbænum í gær. Formaður velferðarnefndar Alþingis segir öllum brugðið að heyra fréttir af þessu tagi og að til greina komi að taka ofbeldi ungmenna fyrir innan nefndarinnar.

Samkvæmt upplýsingum frá lögreglu voru drengirnir handsamaðir eftir að tilkynning barst um líkamsárás í miðbænum en þeir voru einnig vopnaðir hnífum sem þeir notuðu til að ógna fólki. Þá spörkuðu þeir í höfuð fórnarlamba eftir að hafa slegið þau í jörðina en alla vega einn var fluttur á bráðamóttöku með einhverja höfuðáverka.

Ekki er vitað til um áverka annarra sem drengirnir réðust á að svo stöddu að sögn lögreglu. Málið var afgreitt með aðkomu barnaverndar og drengirnir vistaðir á viðeigandi stofnun. Þeir eru ósakhæfir en lögregla mun þó ræða betur við þá í framhaldinu.

Lögregla lýsti því í sumar að þau hefðu áhyggjur af auknum vopnaburði í miðbænum og nokkur mál þar sem ungmenni hafa beitt ofbeldi hafa komið upp á undanförnum mánuðum. Einnig hefur verið rætt í fjölmiðlum um að ungmenni taki árásir upp á síma og deili á samfélagsmiðlum, en lögregla veit ekki til þess að það hafi verið tilfellið í gær.

Líneik Anna Sævarsdóttir, formaður Velferðarnefndar Alþingis, segir mörgum brugðið vegna frétta af ofbeldi ungmenna, ekki síst þegar vopn eru notuð.

„Þetta hefur verið rætt meðal nefndarmanna, ekki tekið formlega fyrir, og fyrsta skrefið væri að afla upplýsinga um hvaða verkferlar fara í gang, hvaða verkferlar eru notaðir í viðbrögðum og forvörnum,“ segir Líneik.

Skoða þurfi hvað sé að breytast og hvort ofbeldi ungmenna sé í raun að aukast.

„Það er alveg tilefni til að kynna sér verklagið við úrvinnslu, aðstoð sem börn fá eftir svona atburði og stuðningi við fjölskyldur,“ segir Líneik.

Barnamálaráðherra sagði í samtali við fréttastofu í lok ágúst að fara þyrfti í sérstakt átak til að kveða niður þá ofbeldisbylgju sem riðið hafi yfir meðal íslenskra barna og ungmenna. Til stæði að koma á fót stýrihópi sem myndi skoða ofbeldismál barna og meta hvað skyldi gera.

Lögreglumál Barnavernd Börn og uppeldi Reykjavík

Tengdar fréttir

Aldrei fleiri alvarleg ofbeldisbrot

Aldrei hafa fleiri alvarleg ofbeldisbrot verið skráð hjá Lögreglunni á höfuðborgarsvæðinu en á fyrstu níu mánuðum ársins. Brotin hafa ríflega tvöfaldast á fimmtán árum. Lögreglan rannsakar nú hvort saknæmt athæfi hafi átt sér stað þegar kona á sextugsaldri lést um helgina. Tveir eru í gæsluvarðhaldi vegna málsins.

10. október 2022 19:38

„Sorglegt að ungmenni geti ekki farið í bæinn án þess að lenda í lífshættulegri árás“

Unglingspilturinn sem var stunginn í bakið með eggvopni á Ingólfstorgi í Reykjavík á laugardaginn hefur verið útskrifaður af spítala. Móðir hans segir sorglegt að ungmenni geti ekki farið í bæinn án þess að lenda í lífshættulegri árás.

15. ágúst 2022 12:00

Hópárás á ungan mann á Menningarnótt

Sex manna hópur réðst á ungan mann í miðborginni og lét höggin dynja á höfði hans. Myndband af árásinni er nú í dreifingu á samfélagsmiðlum og má sjá það hér neðar.

22. ágúst 2022 11:35

Slógust á Selfossi og talið að myndband sé í dreifingu

Til átaka kom meðal fjögurra drengja á unglingastigi á Selfossi um tíuleytið í morgun. Þetta kemur fram í tölvupósti skólastjóra Vallaskóla til foreldra og forráðamanna. Hann segir hluta drengjanna nemendur við skólann og grunur á að myndskeið af átökunum sé í dreifingu. Hugrakkt starfsfólk hafi skorist í leikinn.

3. mars 2022 14:51

„Það er ekkert eðlilegt við að kennarar í dag séu öryrkjar út af ofbeldi nemenda“

Líkamlegt ofbeldi grunnskólabarna færist í aukana og verður sífellt grófara. Þetta er þróun sem skólastjórnendur í Reykjavík hafa numið í sínum störfum. Þeir segja algeran skort á stuðningi og miðstýrðum verkferlum. Kennari segir samfélagið verða að vakna til meðvitundar um alvarleika málsins; það sé ekki eðlilegt að missa kennara í örorku vegna ofbeldis nemenda.

11. október 2022 11:53

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.