Erlent

Tugir látnir eftir aur­skriður í Venesúela

Atli Ísleifsson skrifar
Miklar rigningar síðustu daga hafa valdið því að fljótið El Pato hefur flætt yfir bakka sína.
Miklar rigningar síðustu daga hafa valdið því að fljótið El Pato hefur flætt yfir bakka sína. AP

Yfirvöld í Venesúela hafa staðfest að 36 hafa fundist látnir og að 56 sé enn saknað eftir að aurskriður skullu á hús í bænum Las Tejerías.

BBC segir frá því að um þúsund manns sinni nú björgunarstörfum á hamfarasvæðinu.

„Við reynum að bjarga öllum þeim sem við getum og vottum samúð til allra þeirra sem hafa misst ástvini,“ segir Delcy Rodríguez, varaforseti landsins.

Nicolás Maduro, forseti landsins, hefur lýst yfir þriggja daga þjóðarsorg til að minnast hinna látnu.

Miklar rigningar hafa valdið því að fljótið El Pato hefur flætt yfir bakka sína og hafa flóðin hrifsað með sér tré, bíla og hús í bænum sem er að finna um fimmtíu kílómetra vestur af höfuðborginni Caracas.

Miklar skemmdir hafa orðið í bænum Las Tejerías.AP

Venesúela Náttúruhamfarir

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið