Innlent

Gular við­varanir á norðan­verðu landinu

Bjarki Sigurðsson skrifar
vedur
Veðurstofa Íslands

Gular viðvaranir fara í gildi á Vestfjörðum, Norðurlandi vestra, Norðurlandi eystra og Austurlandi á sunnudaginn þann 9. október. Búast má við snjókomu á norðanverðu landinu.

Á vef veðurstofunnar segir að á öllum þessu stöðum verði norðan hvassviðri og slydda eða snjókoma. Viðvaranirnar taka gildi á mismunandi tímum og vara mislengi.

Vestfirðir frá klukkan níu til klukkan þrjú morguninn eftir

„Gengur í norðan hvassviðri með talsverðri úrkomu, einkum norðantil, slyddu við ströndina, annars snjókomu. Talsverðar líkur á slydduísingu. Mikilvægt er að ganga vel frá utandyra og koma búfénaði í skjól. Líkur á að færð spillist, einkum á fjallvegum og ekkert ferðaveður á milli landshluta á meðan viðvörunin er í gildi.“

Strandir og Norðurlandi vestra frá klukkan níu til klukkan átta morguninn eftir

„Gengur í norðan hvassviðri með talsverðri úrkomu, slyddu við ströndina, annars snjókomu. Miklar líkur eru á slydduísingu á innviði og vegi. Fólki er bent á að ganga vel frá utandyra og koma búfénaði í skjól. Miklar líkur á að færð spillist og ekkert ferðaveður á meðan viðvörunin er í gildi.“

Norðurland eystra frá klukkan 13 til klukkan tíu morguninn eftir

„Gengur í norðan hvassviðri með talsverðri úrkomu, slyddu við ströndina, annars snjókomu. Miklar líkur eru á slydduísingu á innviði og vegi. Fólki er bent á að ganga vel frá utandyra og koma búfénaði í skjól. Miklar líkur á að færð spillist og ekkert ferðaveður á meðan viðvörunin er í gildi.“

Austurland að Glettingi frá klukkan 19 til klukkan 12 daginn eftir

„Gengur í norðan hvassviðri með talsverðri úrkomu, slyddu við ströndina, annars snjókomu. Miklar líkur eru á slydduísingu á innviði og vegi. Fólki er bent á að ganga vel frá utandyra og koma búfénaði í skjól. Miklar líkur á að færð spillist og ekkert ferðaveður á meðan viðvörunin er í gildi.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.