Fólk sem leitar á bráðamóttöku vegna vægari slysa eða veikinda gæti þurft að bíða lengi. Vísir/Vilhelm
Mjög mikið álag er á Landspítalanum um þessar mundir, sérstaklega á bráðamóttökunni Fossvogi. Þeir sem geta eru beðnir um að leita annað.
Þetta kemur fram í tilkynningu á vef Landspítala en vegna álags gæti reynst nauðsynlegt að forgangsraða eftir bráðleika og vísa fólki á önnur úrræði.
Þeir sem leiti á bráðamóttöku vegna vægari slysa eða veikinda geti átt von á langri bið og ætti því að leita annað.
Landspítali bendir á önnur úrræði eins og heilsugæslustöðvarnar, sem eru fimmtán talsins og til viðbótar eru fjórar einkareknar, kvöld- og helgarvakt lækna hjá Læknavaktinni í Austurveri, og símatíma hjúkrunarfræðinga, 1770 og 1700.
Gríðarlegt álag er á heilsugæslustöðvum höfuðborgarsvæðisins um þessar mundir. Mönnun er að komast í eðlilegt horf eftir sumarið en nú tekur við uppsöfnuð þörf eftir síðustu tvö ár. Framkvæmdastjóri lækninga hjá Heilsugæslu höfuðborgarsvæðisins segir nokkra bið eftir tímum og býst við að róðurinn verði áfram þungur.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
