Körfubolti

Endurkoma Frakka tryggði þeim sæti í 8-liða úrslit

Atli Arason skrifar
Rudy Gobert, leikmaður Frakka, treður boltanum í leiknum í dag. Gobert var með tvöfalda tvennu í leiknum, 20 stig og 17 fráköst.
Rudy Gobert, leikmaður Frakka, treður boltanum í leiknum í dag. Gobert var með tvöfalda tvennu í leiknum, 20 stig og 17 fráköst. Getty Images

16-liða úrslit EuroBasket gátu varla hafist á meira spennandi leik þegar Frakkar unnu Tyrki með einu stigi eftir framlengdan leik, 87-86.

Frakkar unnu fyrstu tvo leikhlutana og leiddu í hálfleik með 8 stigum, 43-35. Frábær frammistaða Tyrkja í þriðja leikhluta, sem þeir unnu með 16 stigum, kom þeim þó aftur inn í leikinn.

Tyrkir voru yfir þegar skammt var eftir af síðasta leikhlutanum en Rudy Gobert jafnaði leikinn fyrir Frakka þegar tvær sekúndur voru eftir, 77-77, og því þurfti að framlengja.

Frakkar voru yfir alla framlenginguna en Tyrkir fengu lokasóknina og tækifæri til að vinna leikinn. Þar náði Terry Tarpey, leikmaður Frakka, að stela boltanum og tryggja Frökkum sigurinn, 87-86.

Frakkland mætir annað hvort Ítalíu eða Serbíu í 8-liða úrslitum á miðvikudaginn.

Rudy Gobert var stigahæsti leikmaður Frakka í leiknum með 20 stig ásamt því að taka 17 fráköst en Bugrahan Tuncer, leikmaður Tyrkja, var stigahæstur allra með 22 stig. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.