Vildi fara í mál við Man City eftir að Men­dy fékk að spila á­fram eftir á­sakanir um kynferðisbrot

Á þriðjudag, 23. ágúst, kom fram að kona sem Mendy kynferðislega áreitti hafi ætlað að kæra Manchester City þar sem félagið leyfði leikmanninum að spila eftir að hann var handtekinn í fyrsta sinn.

„Skilaboðin voru þau að hann mátti spila þó hann væri að stofna lífi annarra í hættu.“ Þá kallaði hún einnig rándýr (e. predator).

„Kona 3,“ eins og hún er kölluð í fjölmiðlum ytra þar sem ekki má nafngreina hana sagði að mendy hefði gripið í klof hennar í veislu sem var haldin heima hjá honum í janúar 2021. Atvikið átti sér stað aðeins 48 tímum áður en Manchester City mætti Chelsea í Lundúnum þann 3. janúar. Mendy sat á varamannabekk Man City allan leikinn.

Mendy var fyrst handtekinn þann 11. nóvember 2020 en var svo settur til hliðar af Man City í ágúst árið eftir. Þá var hann ásakaður um hafa nauðgað fjórum konum og eitt kynferðisbrot.

Lögmaður Mendy spurði „Konu 3“ hvort hún væri tilbúin að kæra leikmanninn og vinnuveitanda hans vegna þess að hann hafi snert hana á óviðeigandi hátt.

„Nei, það var út af því að félagið leyfði þessu rándýri að spila áfram og ógnaði þar með velferð annarra kvenna. Ég veit að það sem kom fyrir mig er ekkert í líkingu við það sem kom fyrir hinar stelpurnar,“ svaraði „Kona 3.“

„Hann fékk að fara út eins og venjulega, hann fékk að æfa, spila leiki, fara á skemmtistaði og í veislur, eins og ekkert væri að. Eins og hann hefði ekki gert neitt af sér,“ svaraði hún er lögmaður Mendy spurði hana frekari spurninga.

Málið heldur áfram. Ásamt Mendy er Louis Saha Mattuire fyrir rétti. Hann er ákærður fyrir fjórar nauðganir sem og hann er talinn hafa hjálpað Mendy að finna stelpur til að taka með heim í villu sína í Cheshire.