„Ég veit að það er hægt að stjórna landinu betur“ Bjarki Sigurðsson skrifar 19. ágúst 2022 16:31 Það var fjölmenni í Iðnó er Kristrún flutti ræðu sína. Vísir/Vilhelm Kristrún Frostadóttir, þingmaður Samfylkingarinnar, tilkynnti rétt í þessu að hún gæfi kost á sér í formannskjöri Samfylkingarinnar á landsfundi flokksins þann 28. október næstkomandi. Hún sagði ákvörðunina hafa átt sér langan aðdraganda. Kristrún greindi frá framboði sínu á opnum fundi í Iðnó í dag. Logi Einarsson, formaður flokksins, tilkynnti fyrr í sumar frá því að hann ætlaði ekki að sækjast eftir endurkjöri sem formaður Samfylkingarinnar eftir að hafa gegnt embættinu síðan í október árið 2016. Kristrún sagði ákvörðunina hafa átt sér langan aðdraganda en hún kom ansi bratt inn í pólitíkina fyrir Alþingiskosningarnar í september á síðasta ári eftir að hafa starfað sem hagfræðingur hjá Kviku banka. Síðan hún var kjörin inn á þing hefur hún ferðast um landið og haldið opna fundi þar sem hún hefur rætt við landsmenn. „Þetta gerði ég til þess að ná betri tengingu við alls konar fólk. Mig langaði að kynnast kjörum og aðstæðum þess. Fá betri tilfinningu fyrir því hvernig fólk hefur það, hvernig það sér fyrir sér framtíðina og til hvers það ætlast af okkur sem erum í stjórnmálum og þá ekki síst okkur sem sitjum fyrir hönd þjóðarinnar á Alþingi,“ sagði Kristrún í ræðu sinni á fundinum. Þegar hún tilkynnti svo um framboð sitt klappaði allur salurinn og fögnuðu stuðningsmenn hennar ákaft. Hún sagðist ekki getað ímyndað sér meiri heiður en að leiða flokk jafnaðarmanna. Hún sé ánægð með ákvörðun sína og er glöð að vera búin að deila henni með fólki. Það var margmenni í Iðnó í dag, á meðal gesta var Ingibjörg Sólrún Gísladóttir, fyrrverandi formaður og ráðherra Samfylkingarinnar.Vísir/Vilhelm „Ég væri nefnilega ekki að þessu nema vegna þess að ég veit að það er hægt að stjórna landinu betur en nú er gert. Það er hægt, fólkið í landinu veit að það er hægt, og ég treysti mér til þess. Þess vegna er ég að bjóða mig fram í þetta verkefni,“ sagði Kristrún. Samstaða og samkennd Sem formaður vill hún byggja meiri samstöðu og samkennd í pólitíkinni því áherslan á einstaklingshyggjuna hafi ekki góð áhrif á fólk. Jafnaðarmenn þurfi að stunda jákvæða pólitík og tala fyrir lausnum á þeim áskorunum sem standa frammi fyrir þeim. „Það er spilað mikið inn á pólitík óhjákvæmileika þessa dagana hér á landi. Af orðræðu ráðamanna mætti halda að sé einfaldlega ekki hægt að gera betur í húsnæðismálum, heilbrigðismálum, samgöngum, gagnvart fólki sem reiðir sig á almannatryggingar,“ sagði Kristrún sem telur fólkið í landinu vita að hægt sé að leysa þessi mál. Klippa: Kristrún tilkynnir framboð til formanns Samylkingar Kristrún vill leggja ofuráherslu á kjarnamál jafnaðarmanna sem að hennar sögn er kjör venjulegs fólks. Þá vilji hún gera Samfylkinguna að því afli í stjórnmálum sem veitir efnahagsmálum trúverðuga forystu. „Ég vil að það sé alveg á hreinu fyrir hvað flokkurinn stendur og af hverju hann á erindi við fólkið í landinu,“ sagði Kristrún. Vill fjölga samtölum við fólkið í landinu Hún sagði Samfylkinguna þurfa að ná virkari tengingu við hinn almenna launamann á Íslandi. Það verði ekki gert með öðrum hætti en að ræða beint við fólk. „Við sem flokkur munum aldrei geta lagt fram svör við áskorunum venjulegs fólks án þess styrkja tengslin, fjölga samtölunum,“ sagði Kristrún. Hún er fullviss um að Samfylkingin geti unnið kosningar á ný og orðið ráðandi afl í ríkisstjórn en til þess þurfi skýrar áherslur sem taka mið af daglegu lífi fólks í landinu. Annar formaður flokksins, Össur Skarphéðinsson, var einnig á fundinum.Vísir/Vilhelm Nú reynir á eftir áratug af óbreyttu stjórnarfari Að lokum sagði Kristrún að jafnaðarmenn þurfi að draga línu í sandinn um hvað verður liðið. Það þurfi að sameinast um fullfjármagnað heilbrigðiskerfi, taka ábyrgð á húsnæðismarkaðnum, sameinast um að fólk á lágum tekjum beri ekki hitann og þungan af verðbólgunni og um að styrkja almannaþjónustu og grunninnviði samfélagsins um land allt. „Nú er áratugur óbreytts stjórnarfars er liðinn, og annar slíkur má ekki líða við verðum að fara að gera eitthvað í þessu. Það er kominn tími á nýja kynslóð og nýju tegund forystu, og þar, kæru vinir reynir á jafnaðarmannaflokk Íslands, með stuðningi fólksins í landinu, að vísa veginn,“ sagði Kristrún. Samfylkingin Alþingi Mest lesið Skildirnir hafi hótað konum sem setji út á þá Innlent Starfsfólk kannist ekki við uppsteyt á kvennadeild Landspítalans Innlent Þetta er fólkið á bak við Skjöld Íslands Innlent Ættingjar að verða fyrir hryllilegum ódæðum Innlent Móðir og níu mánaða barn hætt komnar í Þrengslunum Innlent Bergþórshvoll brenndur á fjögurra daga Njáluhátíð Innlent Ozzy Osbourne allur Erlent Reyndu að koma í veg fyrir að hún settist upp í hjá afrískum bílstjóra Innlent Sjö í fangageymslum og þremur vísað úr kirkju Innlent „Hvetjum fólk til þess að treysta okkur bara fyrir því“ Innlent Fleiri fréttir Sjö í fangageymslum og þremur vísað úr kirkju Stöðug virkni í einum gýg og gosmengun spáð á Suðurlandi Ættingjar að verða fyrir hryllilegum ódæðum Starfsfólk kannist ekki við uppsteyt á kvennadeild Landspítalans Bergþórshvoll brenndur á fjögurra daga Njáluhátíð Skildirnir hafi hótað konum sem setji út á þá Fyrsti konsertflygilinn í Skálholtskirkju vígður „Hvetjum fólk til þess að treysta okkur bara fyrir því“ Sækja mann sem datt af hestbaki Lögregla afþakkar þjónustu Skjaldar Íslands og Guðni boðar brennu Félagið Ísland-Palestína harmar skvettuna Rán og frelsissvipting í Árbæ Mótmælandi skvetti málningu á ljósmyndara Morgunblaðsins Brottfararstöð dómsmálaráðherra komin í samráðsgátt Móðir og níu mánaða barn hætt komnar í Þrengslunum Þetta er fólkið á bak við Skjöld Íslands Reyndu að koma í veg fyrir að hún settist upp í hjá afrískum bílstjóra Tveir af þremur ánægðir með beitingu „kjarnorkuákvæðisins“ Alvarlega slösuð bankakona lagði VÍS eftir langa og stranga baráttu Lærði skriðsund á YouTube og syndir Ermarsund á morgun Sjálfsagt að taka málið fyrir: „Leysist ekkert sjálfkrafa við að ganga inn í Evrópusambandið“ Lögreglan hugsi yfir Skildi Íslands: Eitt lögbrot verði ekki réttlætt með öðru Eldur í verslunarhúsnæði á Laugavegi Play tekur dýfu í skugga afkomuviðvörunar og Njáll Trausti vill funda Hótað og ógnað eftir að hafa aðstoðað lögreglu Laugavegurinn að „deyja úr velgengni“ Loftgæði mun betri á höfuðborgarsvæðinu Njáll Trausti vill fund hið fyrsta í atvinnuveganefnd Hefði sagt nei: Sumarfrí bæjarfulltrúa opnaði fyrir endurskipulag á Nónhæð Með vesen í miðborginni og á bráðamóttöku og síðar handtekinn vegna þjófnaðar Sjá meira
Kristrún greindi frá framboði sínu á opnum fundi í Iðnó í dag. Logi Einarsson, formaður flokksins, tilkynnti fyrr í sumar frá því að hann ætlaði ekki að sækjast eftir endurkjöri sem formaður Samfylkingarinnar eftir að hafa gegnt embættinu síðan í október árið 2016. Kristrún sagði ákvörðunina hafa átt sér langan aðdraganda en hún kom ansi bratt inn í pólitíkina fyrir Alþingiskosningarnar í september á síðasta ári eftir að hafa starfað sem hagfræðingur hjá Kviku banka. Síðan hún var kjörin inn á þing hefur hún ferðast um landið og haldið opna fundi þar sem hún hefur rætt við landsmenn. „Þetta gerði ég til þess að ná betri tengingu við alls konar fólk. Mig langaði að kynnast kjörum og aðstæðum þess. Fá betri tilfinningu fyrir því hvernig fólk hefur það, hvernig það sér fyrir sér framtíðina og til hvers það ætlast af okkur sem erum í stjórnmálum og þá ekki síst okkur sem sitjum fyrir hönd þjóðarinnar á Alþingi,“ sagði Kristrún í ræðu sinni á fundinum. Þegar hún tilkynnti svo um framboð sitt klappaði allur salurinn og fögnuðu stuðningsmenn hennar ákaft. Hún sagðist ekki getað ímyndað sér meiri heiður en að leiða flokk jafnaðarmanna. Hún sé ánægð með ákvörðun sína og er glöð að vera búin að deila henni með fólki. Það var margmenni í Iðnó í dag, á meðal gesta var Ingibjörg Sólrún Gísladóttir, fyrrverandi formaður og ráðherra Samfylkingarinnar.Vísir/Vilhelm „Ég væri nefnilega ekki að þessu nema vegna þess að ég veit að það er hægt að stjórna landinu betur en nú er gert. Það er hægt, fólkið í landinu veit að það er hægt, og ég treysti mér til þess. Þess vegna er ég að bjóða mig fram í þetta verkefni,“ sagði Kristrún. Samstaða og samkennd Sem formaður vill hún byggja meiri samstöðu og samkennd í pólitíkinni því áherslan á einstaklingshyggjuna hafi ekki góð áhrif á fólk. Jafnaðarmenn þurfi að stunda jákvæða pólitík og tala fyrir lausnum á þeim áskorunum sem standa frammi fyrir þeim. „Það er spilað mikið inn á pólitík óhjákvæmileika þessa dagana hér á landi. Af orðræðu ráðamanna mætti halda að sé einfaldlega ekki hægt að gera betur í húsnæðismálum, heilbrigðismálum, samgöngum, gagnvart fólki sem reiðir sig á almannatryggingar,“ sagði Kristrún sem telur fólkið í landinu vita að hægt sé að leysa þessi mál. Klippa: Kristrún tilkynnir framboð til formanns Samylkingar Kristrún vill leggja ofuráherslu á kjarnamál jafnaðarmanna sem að hennar sögn er kjör venjulegs fólks. Þá vilji hún gera Samfylkinguna að því afli í stjórnmálum sem veitir efnahagsmálum trúverðuga forystu. „Ég vil að það sé alveg á hreinu fyrir hvað flokkurinn stendur og af hverju hann á erindi við fólkið í landinu,“ sagði Kristrún. Vill fjölga samtölum við fólkið í landinu Hún sagði Samfylkinguna þurfa að ná virkari tengingu við hinn almenna launamann á Íslandi. Það verði ekki gert með öðrum hætti en að ræða beint við fólk. „Við sem flokkur munum aldrei geta lagt fram svör við áskorunum venjulegs fólks án þess styrkja tengslin, fjölga samtölunum,“ sagði Kristrún. Hún er fullviss um að Samfylkingin geti unnið kosningar á ný og orðið ráðandi afl í ríkisstjórn en til þess þurfi skýrar áherslur sem taka mið af daglegu lífi fólks í landinu. Annar formaður flokksins, Össur Skarphéðinsson, var einnig á fundinum.Vísir/Vilhelm Nú reynir á eftir áratug af óbreyttu stjórnarfari Að lokum sagði Kristrún að jafnaðarmenn þurfi að draga línu í sandinn um hvað verður liðið. Það þurfi að sameinast um fullfjármagnað heilbrigðiskerfi, taka ábyrgð á húsnæðismarkaðnum, sameinast um að fólk á lágum tekjum beri ekki hitann og þungan af verðbólgunni og um að styrkja almannaþjónustu og grunninnviði samfélagsins um land allt. „Nú er áratugur óbreytts stjórnarfars er liðinn, og annar slíkur má ekki líða við verðum að fara að gera eitthvað í þessu. Það er kominn tími á nýja kynslóð og nýju tegund forystu, og þar, kæru vinir reynir á jafnaðarmannaflokk Íslands, með stuðningi fólksins í landinu, að vísa veginn,“ sagði Kristrún.
Samfylkingin Alþingi Mest lesið Skildirnir hafi hótað konum sem setji út á þá Innlent Starfsfólk kannist ekki við uppsteyt á kvennadeild Landspítalans Innlent Þetta er fólkið á bak við Skjöld Íslands Innlent Ættingjar að verða fyrir hryllilegum ódæðum Innlent Móðir og níu mánaða barn hætt komnar í Þrengslunum Innlent Bergþórshvoll brenndur á fjögurra daga Njáluhátíð Innlent Ozzy Osbourne allur Erlent Reyndu að koma í veg fyrir að hún settist upp í hjá afrískum bílstjóra Innlent Sjö í fangageymslum og þremur vísað úr kirkju Innlent „Hvetjum fólk til þess að treysta okkur bara fyrir því“ Innlent Fleiri fréttir Sjö í fangageymslum og þremur vísað úr kirkju Stöðug virkni í einum gýg og gosmengun spáð á Suðurlandi Ættingjar að verða fyrir hryllilegum ódæðum Starfsfólk kannist ekki við uppsteyt á kvennadeild Landspítalans Bergþórshvoll brenndur á fjögurra daga Njáluhátíð Skildirnir hafi hótað konum sem setji út á þá Fyrsti konsertflygilinn í Skálholtskirkju vígður „Hvetjum fólk til þess að treysta okkur bara fyrir því“ Sækja mann sem datt af hestbaki Lögregla afþakkar þjónustu Skjaldar Íslands og Guðni boðar brennu Félagið Ísland-Palestína harmar skvettuna Rán og frelsissvipting í Árbæ Mótmælandi skvetti málningu á ljósmyndara Morgunblaðsins Brottfararstöð dómsmálaráðherra komin í samráðsgátt Móðir og níu mánaða barn hætt komnar í Þrengslunum Þetta er fólkið á bak við Skjöld Íslands Reyndu að koma í veg fyrir að hún settist upp í hjá afrískum bílstjóra Tveir af þremur ánægðir með beitingu „kjarnorkuákvæðisins“ Alvarlega slösuð bankakona lagði VÍS eftir langa og stranga baráttu Lærði skriðsund á YouTube og syndir Ermarsund á morgun Sjálfsagt að taka málið fyrir: „Leysist ekkert sjálfkrafa við að ganga inn í Evrópusambandið“ Lögreglan hugsi yfir Skildi Íslands: Eitt lögbrot verði ekki réttlætt með öðru Eldur í verslunarhúsnæði á Laugavegi Play tekur dýfu í skugga afkomuviðvörunar og Njáll Trausti vill funda Hótað og ógnað eftir að hafa aðstoðað lögreglu Laugavegurinn að „deyja úr velgengni“ Loftgæði mun betri á höfuðborgarsvæðinu Njáll Trausti vill fund hið fyrsta í atvinnuveganefnd Hefði sagt nei: Sumarfrí bæjarfulltrúa opnaði fyrir endurskipulag á Nónhæð Með vesen í miðborginni og á bráðamóttöku og síðar handtekinn vegna þjófnaðar Sjá meira