Ákærður fyrir að ráðast á annan Íslending í London

Bjarki Sigurðsson skrifar 11. ágúst 2022 21:19

Árásin átti sér stað í Soho-hverfinu í London. Getty

Íslendingur á þrítugsaldri hefur verið ákærður af héraðssaksóknara fyrir stórfellda líkamsárás á annan Íslending í London. Atvikið átti sér stað í nóvember árið 2018.

Fréttablaðið greinir frá þessu en samkvæmt blaðinu mun árásin hafa átt sér stað fyrir utan skemmtistaðinn Freedom Bar í Soho-hverfinu. Maðurinn ýtti brotaþola svo hann féll í jörðina og skall á höfuðið.

Við fallið hlaut brotaþoli höfuðkúpubrot, blæðingu inn á heila, brest í beinhimnu og missti hann heyrn á hægra eyra.

Héraðssaksóknari krefst þess að hinn ákærði verði dæmdur til refsingar og greiði allan sakarkostnað. Fréttablaðið segir einkaréttarkröfu brotaþola einnig vera í ákærunni en hann krefst sex milljóna króna í miskabætur. Málið verður þingfest í héraðsdómi Reykjaness þann 23. ágúst næstkomandi.

Bretland Dómsmál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.