Erlent

Al­þjóða­kjarn­orku­mála­stofnunin hefur á­hyggjur en Rússar vísa á­sökunum á bug

Viktor Örn Ásgeirsson skrifar
Kjarnorkuverið er hið stærsta í Evrópu.
Kjarnorkuverið er hið stærsta í Evrópu. Getty Images

Alþjóðakjarnorkumálastofnunin hefur miklar áhyggjur af aðstæðum í Zaporizhzhya kjarnorkuverinu. Innviðir skemmdust töluvert í eldflaugaárásum fyrir helgi en verið er hið stærsta í Evrópu. Úkraínumenn og Rússar benda hver á annan.

Eldflaugarnar höfnuðu á háspennulínu í kjarnorkuverinu fyrir helgi og urðu úkraínskir starfsmenn Zaporizhzhya að slökkva á kjarnakljúfi í kjölfarið. Úkraínumenn segja Rússa hafa skotið á verið en rússneska varnamálaráðuneytið vísar þeim ásökunum alfarið á bug. Rússar vilja meina að Úkraínumenn hafi sjálfir staðið fyrir árásunum og segja þá standa í kjarnorkuhernaði.

Rafael Mariano Grossi, forstjóri Alþjóðakjarnorkumálastofnunar Sameinuðu þjóðanna, lýsti yfir miklum áhyggjum í yfirlýsingu í gær. 

„Árásir á kjarnorkuver geta haft í för með sér gríðarmikla hættu og ég hef raunverulegar áhyggjur af stöðunni. Þetta getur farið mjög illa,“ sagði Grossi meðal annars í yfirlýsingunni.

Rússneskar hersveitir náðu yfirráðum yfir Zaporizhzhya hinn 4. mars þegar árás var gerð á borgina Energodar í suðausturhluta Úkraínu, þar sem kjarnorkuverið er staðsett. Guardian greinir frá.

Innrás Rússa í Úkraínu Rússland Úkraína Kjarnorka

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið