Erlent

Hitamet slegið og von á enn meiri hækkun

Samúel Karl Ólason skrifar
Hermaður við Buckingham Palace í morgun.
Hermaður við Buckingham Palace í morgun. AP/Victoria Jones

Svo virðist sem að hitamet hafi verið slegið í Bretlandi í morgun og er útlit fyrir að metið gæti verið slegið um allt að þrjár gráður. Hitamælar í Charlwood í Surrey sýndu í morgun 39,1 gráðu hita og verði sú mæling staðfest er það hæsta hitastig sem mælst hefur á Bretlandseyjum frá því mælingar hófust.

Síðasta met var 38,7 gráður og var það sett árið 2019.

Veðurstofa Bretlands segir að búist sé við því að hitinn muni hækka enn meira í dag og þá í allt að 42 gráður, samkvæmt frétt BBC.

BBC segir einnig útlit fyrir að hitamet verði slegið í Skotlandi í dag en metið þar er 32,9 gráður og er frá ágúst 2003.

Mjög umfangsmikil hitabylgja gengur nú yfir Evrópu og er það í annað sinn á innan við mánuði. Skógareldar loga víða og fjöldi fólks er sagður hafa dáið vegna hitans.

Bretland Veður Loftslagsmál

Mest lesið


Fleiri fréttir

Sjá meira


×

Mest lesið