Erlent

Þúsundir safnast saman í Tókýó til að fylgjast með útför Abe

Gunnar Reynir Valþórsson skrifar
Mikill mannfjöldi hefur safnast saman í Tókýó til að heiðra minningu Abe.
Mikill mannfjöldi hefur safnast saman í Tókýó til að heiðra minningu Abe. epa/Christopher Jue

Þúsundir syrgjenda eru nú samankomnir í Tókýó til að fylgjast með útför Shinzo Abe, fyrrverandi forsætisráðherra Japans, sem skotinn var til bana á dögunum.

Útförin sjálf, sem er ekki opinber, fer fram í Zojoji musterinu í borginni. Þangað var aðeins nánustu vinum og ættingjum boðið en að henni lokinni verður líkfylgd í gegnum miðbæ Tókýó. 

Líkfylgdin mun fara framhjá nokkrum stöðum sem voru mikilvægir Abe, eins og þinghúsinu þar sem hann starfaði sem þingmaður frá árinu 1993, og skrifstofu forsætisráðherra Japans. 

Abe var sá forsætisráðherra Japana sem gengdi embættinu lengst og einn af áhrifamestu stjórnmálaleiðtogum landsins frá stríðslokum.

Japan Morðið á Shinzo Abe
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið