Innlent

Áttavilltur lundi í Suðurhlíðunum

Ólafur Björn Sverrisson skrifar
Lögreglan fann lundann á vappi í Suðurhlíðum eftir stutta leit.
Lögreglan fann lundann á vappi í Suðurhlíðum eftir stutta leit. Lögreglan á höfuðborgarsvæðinu

Lögreglan á höfuðborgarsvæðinu fékk tilkynningu um áttavilltan lunda á vappi í Suðurhlíðunum. Hann var hinn gæfasti í höndum lögreglu sem kom honum til dýrahirðis í Húsdýragarðinum.

Lögreglan segir frá þessu á Facebook síðu sinni. Tveir lögreglumenn voru sendir snarlega á vettvang og fundu lundann eftir stutta leit. 

„Lundinn var mjög rólegur og hæst ánægður með bílferðina í lögreglubílnum. Sum útköll eru einfaldlega skemmtilegri en önnur og það má svo sannarlega segja um þetta útkall,“ segir í færslu lögreglunnar.

Sólveig Lind Ásgeirsdóttir er sú sem tilkynnti um lundann. Hún segir frá því í athugasemdum að hún hafi verið á leið í vinnuna og næsum búin að hjóla yfir lundann rétt við Kringlumýrabraut. 

„Hann tók ekki í mál þrátt fyrir strangar samningaviðræður að fara í átt að sjónum og stefndi í allt aðra átt svo mér fannst vissara að hann kæmist í smá tékk áður en hann yrði undir einhverju farartæki. Gott að heyra að hann hafi komist í góðar hendur,“ skrifar Sólveig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×