Tónlist

„Meira er meira“

Dóra Júlía Agnarsdóttir skrifar
Nýjasta tónlistarmyndband Ultraflex sýnir meðlimi meðal annars sinna vikuverkum sínum.
Nýjasta tónlistarmyndband Ultraflex sýnir meðlimi meðal annars sinna vikuverkum sínum. Douglas Dare

Hljómsveitin Ultraflex var að senda frá sér glænýtt lag og tónlistarmyndband. Lagið ber nafnið Mi Vuoi og fá þær hér tónlistarkonuna Kuntessa til liðs við sig.

Mi Vuoi sækir innblástur í ólíkar og andstæðar tónlistarstefnur og fylgir heimspekinni um að meira sé meira. Takturinn er undir áhrifum partý lagsins Better Off Alone með Alice Deejay frá árinu 1999. Tumi Magnússon spilar á saxófón og Kuntessa syngur á tjáningarfullan hátt á ítölsku.

Hljómsveitin Ultraflex er skipuð tónlistarkonunum Farao frá Noregi og Special-K frá Íslandi. Þær hafa spilað víða og gefið út fjöldan allan af lögum og myndböndum. Ásamt því hafa þær unnið til Íslensku Tónlistarverðlaunanna og hlotið önnur verðlaun á sínum sviðum.

Tónlistarmyndbandinu lýsa þær sem avant garde en listamaðurinn Douglas Dare sá um að taka það upp. Tökur fóru fram í London og sýnir meðlimi Ultraflex sinna vikuverkum sínum.

Hér má sjá myndbandið:

Klippa: Ultraflex - Mi Vuoi

Aðdáendur sveitarinnar geta einnig glaðst yfir því að Ultraflex mun svo senda frá sér plötuna Infinite Wellness þann 7. október næstkomandi.


Tengdar fréttir

Ultraflex þvinga þig til að slappa af

„Slappaðu af,“ syngja Katrín Helga Andrésdóttir, eða Special K, og Kari Jahnsen, eða Farao, í skipunartón í nýju myndbandi. Gera hlustandanum ljóst að hann eigi að taka því rólega. Saman mynda þær íslensk-norska diskódúettinn Ultraflex, og nýta sér gjöfula uppskeru listlíkissögunnar sem innblástur fyrir bæði hljóð og mynd.

Þessi hlutu Kraumsverðlaunin 2020

Kraumsverðlaunin voru afhent í þrettánda sinn á Laugaveginum í gær. Í stað hefðbundins verðlaunahófs innandyra voru verðlaunin veitt undir berum himni á Laugaveginum í tengslum við tónleikaseríuna Talið í Tónum – Jóladagal, sem fer fram í allan desember fram að jólum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.